Gollandiyediki Uyghurlar sherqiy türkistan jumhuriyetlirini xatirilidi

Ixtiyariy muxbirimiz pida'iy
2014-11-10
Élxet
Pikir
Share
Print
Gollandiyediki Uyghurlarning sherqiy türkistan jumhuriyetlirini xatirilesh pa'aliyitidin bir körünüsh
Gollandiyediki Uyghurlarning sherqiy türkistan jumhuriyetlirini xatirilesh pa'aliyitidin bir körünüsh
RFA/Pidaiy


9 - Noyabir yekshenbe küni ikki qétimliq jumhuriyet bayrimini xatirilesh munasiwiti bilen yawropa sherqiy türkistan ma'arip jem'iyitide jem bolghan Uyghurlar, sherqiy türkistan jumhuriyetlirining qurulush tarixi we uningda hel qilghuch rol oynighan meshhur shexisler heqqidiki uchurlarni ortaqlashti.

Pa'aliyet qur'an kerim télawiti bilen bashlinip du'a bilen axirlashti. Pa'aliyet dawamida sözge chiqqanlar, weten, millitining istiqbali üchün tinmay köresh qilip kelgen meshhurlarning ish izliridin örnekler keltürdi, barliq xelqini pidakarliqqa chaqirdi. Pa'aliyet ziyapet we namazdin bashqa, öz - ara erkin söhbet, jumhuriyet tarixi heqqide tépishmaqliq so'al - jawablar, qizghin bes - munazirler bilen 5 sa'ettin artuq dawam qildi.

Ziyaritimizni qobul qilghan hüseyin tejelliy ependi ikki jumhuriyet tarixining ijabiy tesirini gewdilendürüp, dunyada zulumgha qarshi köresh bilen dang chiqarghan nurghun qewmler bolsimu, emma Uyghurlardek dölet qurush sheripige musherrep bolghanlirining az ikenlikini ilgiri sürdi.

Toluq bet