Gollandiyediki Uyghurlar roza héyt bayrimini jushqun keypiyatta tebriklidi

Ixtiyariy muxbirimiz pida'iy
2015-07-20
Share
gollandiye-uyghur-roza-heyt-2015-1.jpg Gollandiyediki Uyghurlarning roza héiyt pa'aliyiti
RFA/Pidaiy


17 - Éyul jüme küni shu yer waqti etigen sa'et 8 de yawropa sherqiy türkistan ma'arip jem'iyitide jem bolghan Uyghurlar pütün dunya musulmanliri qatarida héyt namizini birge oqup, héytliq wez - neséhetlerdin sawat aldi. Weten, xelqige atap du'alar qilghandin kéyin, öz - ara héytlirini mubarekleshti. Etigenlik nashtiliq bilen hazirlan'ghan dastixanida ghézalinip, bir - birining öylirige petileshti. Jüme namizini yene shu pa'aliyet merkizide jem bolup oqudi. Jama'et xutbida “Heqiqi ilim we uning orni” merkez qilin'ghan islam we meschitning qimmitige sel qarimasliqqa chaqirildi. Namazdin kéyin petichiler pa'aliyetlirini yene dawam qilip, wetendashlirining a'ililirige héytning xushalliqini yetküzdi. Ata - anilirining bu pa'aliyetliride bille bolghan kichik balilar héytning keypini chiqardi.

Ziyaritimizni qobul qilghanlar pütün dunyadiki musulmanlar qatarida wetendashlirigha héytliq salam yollidi we muhajirettiki bu ghéripchiliqta méhri - muhebbet bilen jem bolghan wetendashliri arisida hés qilghan tuyghulirini radiyo anglighuchilirimiz bilen ortaqlashti.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet