Istanbuldiki Uyghur balilar yesliliride qishliq tetil pa'aliyiti ötküzüldi

Ixtiyariy muxbirimiz arslan
2016-01-25
Élxet
Pikir
Share
Print
Istanbulning sefaköy rayonidiki Uyghur balilar yesilisidiki pa'aliyetlerdin bir körünüsh
Istanbulning sefaköy rayonidiki Uyghur balilar yesilisidiki pa'aliyetlerdin bir körünüsh
RFA/Arslan

Istanbulning sefaköy we zeytinburnudiki Uyghur balilar yesliliride 200 din artuq Uyghur ösmür oquwatqan bolup yéqinda qishliq tetilge qoyup bérildi.

Merkizi istanbulgha jaylashqan sherqiy türkistan ma'arip we hemkarliq jem'iyitining tesis qilishi bilen istanbulning Uyghurlar köp olturaqlashqan safeköy we zeytinburnu rayonlirida échilghan Uyghur yesliliride oquwatqan 200 din artuq ösmürler üchün 1 - ayning 22 - küni birinji mewsümlük oqushni tamamlash munasiwiti bilen mukapatlash we shahadet tarqitish murasimi ötküzüldi we qishliq tetilge qoyup bérildi.

Istanbulning sefaköy rayonidiki Uyghur balilar yesilisidiki pa'aliyetlerdin bir körünüsh
Istanbulning sefaköy rayonidiki Uyghur balilar yesilisidiki pa'aliyetlerdin bir körünüsh Photo: RFA

Murasimgha ösmürlerning ata - anilirimu teklip qilin'ghan bolup, ösmürler her xil shé'ir déklamatsiye qildi, naxsha oqudi we ügen'genliridin ariye teqdim qildi.

Sefaköydiki yeslide 110 din artuq oqughuchi oquwatqan bolup, biz bu yeslining mudiri renaxanim bilen söhbet élip barduq. Renaxanim bu yeslidiki ösmürlerning oqush ehwali toghrisida toxtilip, hazir Uyghur yesli qur'an kursida 3 sinip bolup buningda 4 - 6 yash otturisida jem'iy 110 din oqughuchi ders oquwatqanliqini, bulardin 37 nepiri türk oqughuchi ikenlikini qalghanliri Uyghur perzentliri ikenlikini bildürdi.

Renaxanim Uyghur yeslide ögitiliwatqan dersler toghrisida sözlep berdi, bu yesilide 4 - 6 yash otturisidiki ösmürler üchün 2 yilliq ders oqush pilan qilin'ghan bolup, bu jeryanda, Uyghur tili, matématkidin sanaqlar, diniy étiqad jehette islam dinigha alaqidar qisqa chüshenchiler, qur'an kerim, namaz oqush qa'idliri we du'a qilish shundaqla milliy medeniyet, örp - adet we exlaq dersliri ögitilishtin sirt yene, resim sizish, reng we shekillerni tonush, zéhnini achidighan oyunlarni oynash qatarliq pa'aliyetler élip bérilidiken. Uyghur yeslidiki ösmürlerdin 7 yashqa toshqanlar bashlan'ghuch mekteplerge ewetilidiken.

Biz bu yeslide oquwatqan bir qism ösmürler bilen söhbet élip barduq. Bularning köpinchisi diniy ders we qur'an oqushni, namaz oqushni öginiwatqanliqini, sayahetke baridighanliqini, resim sizidighanliqini ipadileshti.

Biz bir qisim Uyghur ösmürler bilen söhbet élip barduq. Bir Uyghur ösmür, chong bolghanda néme bolisen dégen so'alimizgha: "Chong bolsam anamgha yardem qilimen" dep jawab berdi.

Biz bu ösmürlerning aniliri bilen söhbet élip barduq. Oghlini Uyghur yeslige bergen elif bashi'oghli isimlik türk xanim, oghlini Uyghur yeslige bérishtiki asasliq sewebini anglitip mundaq dédi: "Manga bu yeslini bashqilar tewsiye qildi, men perzentimning diniy telim élishini xalaymen, shuning üchün buyeslige berdim, men bu yeslidin bek memnun boldum, chünki méning oghlum hazir töt yérim yéshida, emma islam dinining asasiy chüshenchilirini ögendi, öyge kelgende qur'an oquydu, du'a qilidu. Men bulardin bek memnun boldum. Kéyinki mewsumdimu oghlum bu yerde oqushni dawam qilidu. Bu yeslini achqan we yeslide perzentlirimiz üchün ejir singdürgen pütün oqutquchilargha rehmet éytimen."

Biz yene déngiz altun'al ismlik bir xanimdin néme üchün oghlini Uyghur yeslige bérishni muwapiq körgenlikini soriduq. Déngiz xanim mundaq dédi: "Méning oghlum bu yeslide oquwatqili ikki yil boldi. Biz oghlimizni, allahni bilsun, peyghember eleyhissalamni tonusun, dinni ügensun dégen meqsette bu yeslige berduq. Biz oghlimizning diniy telim élishi, qur'an oqushi we peyghember eleyhissalamni bilishi bizni bek xushal qilidu. Oghlumgha ejir singdürgen, bu yeslini tesis qilghan we bu yerdiki pütün oqutquchilardin allah razi bolsun deymen. Méning yene bir kchik oghlum bar. Uning yéshi toshqanda yene mushu yeslige bérishni oylawatimen. Pütün oqutquchilargha rehmet éytimen."

Zeytinburnudiki Uyghur yeslide 100 din artuq ösmür oquydu

Istanbul zeytinburnudimu oxshash shekilde bir yesli échilghan bolup bu yesilidimu 1 - ayning 22 - küni oqughuchilarni mukapatlash we shahadet tarqitish murasimi ötküzüldi we qishliq tetil üchün qoyup bérildi. Biz zeytinburnudiki Uyghur yesilini ziyaret qilip yeslining mudiri xurshide xanim bilen söhbet élip barduq.

Xurshide xanim yesli toghrisida melumat bérip mundaq dédi: "Zeytinburnudiki Uyghur yesilide bu mewsum jem'iy 100 oqughuchi terbiyilen'gen bolup, ularning arisida 88 nepiri Uyghur perzenti, qalghanliri türk, qazaq we özbek oqughuchilardin terkip tapqan.

Uyghur yeslide 21 - yanwar oqughuchilarning aniliri teklip qilinip murasim ötküzülgen bolup, murasimda qur'an sawadini chiqarghan we qur'anni yadlap tügetken oqughuchilargha ayrim - ayrim halda shahadetname tarqitip bérilgen. Barliq oqughuchilargha hediye teqdim qilin'ghan. Igilinishiche Uyghur yesililerde yéngi mewsumluq oqush 2 - ayning 8 - küni bashlinidiken.

Toluq bet