Misirdiki xitay elchixanisi Uyghur oqughuchilardin qarshi teshwiqat élip bérishni telep qilghan

Ixtiyariy muxbirimiz haji qutluq qadiri
2015-07-22
Share
misir-qahire-xitay-elchixana-uyghurlar.jpg Misirdiki xitay elchixanisining Uyghur oqughuchilarni yighip achqan yighini.
RFA/Haji Qutluq Qadiri


Igilishimizche, 18 - iyul misirning paytexti qahirediki xitay elchixanisi el ezher uniwérisitétida oquwatqan Uyghur, xuyzu qatarliq oqughuchilargha rozi héytni tebriklesh ziyapiti bergen.

Qahirediki xitay elchixanisining yitekchilikide ötküzülgen roza héytni qutluqlash pa'aliyitide elchixana mes'ulliri Uyghur, xuyzu qatarliq oqughuchilardin xelq'ara jem'iyetke tarqalghan "Shinjangda musulmanlarning rozi tutushi cheklendi" dégen xewerlerge qarita, xitayning Uyghur élida yürgüzüwatqan siyasetlirini maxtap, Uyghurlargha bériliwatqan türlük diniy siyasetlerning ewzellikini gewdilendürüsh teshwiqatlirini élip bérishni telep qilghan.

Bu qétimqi xitay elchixanisining roza héytliq ziyapitige yene misirde xizmet qiliwatqan Uyghur xizmetchi we tijaretchilermu qatnashqan.

Xitay elchixanisi mes'ulliri oqughuchilarni qétiqinip öginish bilen birge, oqush - öginish jeryanida üch xil mesilige alahide diqqet qilishni tekitligen. Birinchi, toghra - dadil bolghan islam diniy ilimlirini öginish. Ikkinchi, idiye,xizmet we herikette weten obrazini teshwiq qilish, dölet menpetini qoghdash. Üchinchi, nöwettiki misir weziyiti ichide öz bixeterlikige kapaletlik qilish bilen birge, elchixana bilen yéqin alaqe we hemkarliqta bolush kéreklikini bildürgen.

Pa'aliyet jeryanida söz qilghan bir qisim oqughuchilar wekilliri, özlirining balduraq oqushni tamamlap weten'ge qaytish arzulirini ipadilesh bilen birge, xitay elchixanisining her jehettin özlirige yetküzüwatqan türlük yardemlirige rehmet éytqan.

Xitay elchixanisi élip barghan bu qétimqi rozi héytni tebriklesh pa'aliyiti axirilashqandin kéyin, bir qisim oqughuchilar ningsha xuyzu aptonom rayonluq téléwiziye qanilining ziyaritini qobul qilip özlirining oqush we turmush jehettiki qarashlirini bayan qilghan.

Qahirediki xitay elchixanisi 2009 - yili ürümchide 5 - iyul qirghinchiliqi yüz bergendin buyan misirda oquwatqan Uyghur oqughuchilargha oqush mukapati puli bérishni yolgha qoyghan bolup, bu yil 6 - iyun elchixana bir qisim Uyghur oqughuchilargha oqush mukapati puli tartqan idi.

Biz bu munasiwet bilen, ilgiri misirdiki el ezher uniwérsitétida ilim tehsil qilghan, hazir istanbuldiki sherqiy türkistan wexpining mes'ulliridin biri tetqiqatchi abdujélil turan bilen bu heqte söhbet élip barduq.

Axirida téléfon ziyaritimizni qobul qilghan se'udi erebistanning mekke shehiridiki zhurnalist sirajidin ezizi qahirediki xitay elchixanisining bu xil teshwiqatliri arqiliq xitayning Uyghur élida yürgüzüwatqan türlük diniy zulum siyasetlirini xelq'ara jem'iyettin menggü yoshurup qalalmaydighanliqi toghrisida toxtilip ötti.

Yuqiriqi awaz ulinishidin tepsilatini anglang.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.