Pakistan qeshqerde, xitay gilgit shehiride konsulxana qurmaqchi

Ixtiyariy muxbirimiz haji qutluq qadiri
2015.09.02
gilgit-hokumet-emeldarliri-qeshqer.JPG Gilgit hökümet emeldarliri we qeshqer waliy mehkimisi rehberliri söhbette. 2015-Yili séntebir.
“Badishimal” gézitining 30-awghust sanidin süretke élin'ghan

30-Awghust pakistanning “Badishimal” qatarliq gézitliride pakistanning qeshqerde, xitayning gilgit shehiride konsulxana qurmaqchi bolghanliqi toghrisida xewer bérilgen.

“Badishimal” géziti pakistanning gilgit shehiridin chiqidighan nopuzluq ordu tilidiki gézitlerdin biri bolup, mezkur gézitning 30-awghusttiki sanida, 29-awghusttin bashlap gilgit shehiride ziyarette bolghan qeshqer wilayetlik waliy mehkimisi rehberlirining gilgit hökümet emeldarliri bilen élip bérilghan söhbitide pakistanning qeshqerde, xitayning gilgit shehiride konsulxana qurmaqchi bolghanliqi heqqide bezi melumatlar bérilgen.

Xewerde körsitilishiche, ikki sheher rehberliri bu qétimqi söhbette qeshqer bilen gilgit shehirining dostluqini téximu kücheytish we yéqin kelgüside emeliylishidighan bezi pilanlar heqqide sözleshken.

Xewerde déyilishiche, 29-awghusttin bashlap qeshqer wilayetlik waliy mehkimisi rehberlirining gilgit shehiridiki ziyariti jeryanida yene qeshqer wilayetlik sen'et ömiki gilgit, xunza qatarliq sheherliride oyun qoyghan.

Biz pakistan gézitliride bérilgen bu heqtiki xewerler toghrisida tepsiliy melumatqa érishish üchün, pakistandiki musteqil Uyghur kishilik hoquq pa'aliyetchisi abdulqeyyum ependi bilen téléfon söhbiti élip barduq.

Yuqiriqi awaz ulinishidin tepsilatini anglang.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.