"8 - нөвәтлик дуня шәрқий түркистанлиқлар қериндашлиқ учришиш йиғини" ечилмақчи

Ихтиярий мухбиримиз арслан
2016-07-09
Share
sherqiy-turkistan-qerindashlar-uchrishishi-teyyerliq-2016.jpg "8 - нөвәтлик дуня шәрқий түркистанлиқлар қериндашлиқ учришиш йиғини" тәйярлиқи үчүн мәслиһәт кеңәш йиғини
RFA/Arslan


Мәркизи истанбулға җайлашқан "шәрқий түркистан маарип вә һәмкарлиқ җәмийити" ниң уюштуруши билән һәр йили бир қетим өткүзүлүп келиватқан "дуня шәрқий түркистанлиқлар қериндашлиқ учришиш йиғини" ниң 8 - нөвәтлики бу йил өткүзүлидиған болуп, бу йиғинниң тәйярлиқ хизмәтлири тоғрисида шәрқий түркистан маарип вә һәмкарлиқ җәмийитиниң идарә һәйәт рәһбәрлири, җәмийәтниң шөбилири, тәшвиқат, тәтқиқат вә нәшрият бөлүмлири мәсуллириниң қатнишиши билән 8 - июл җүмә күни бир мәслиһәт кеңәш йиғини өткүзүлди.

"шәрқий түркистан маарип вә һәмкарлиқ җәмийити" ниң рәиси һидайәтуллаһ оғузханниң билдүрүшичә, шәрқий түркистан маарип вә һәмкарлиқ җәмийитиниң бу кеңәш йиғинида дуня шәрқий түркистанлиқлар қериндашлиқ учришиш йиғининиң тәйярлиқ хизмәтлири, йиғинда оттуриға қоюлидиған темилар, қатнашқучилар, сөз қилғучилар, музакирә қилинидиған асаси мәзмунлар вә әзаларниң хизмәт тәқсимати тоғрисида музакирә қилинған вә йиғинға алақидар бир түркүм қарарлар елинған.

Һидайәтуллаһ оғузханниң билдүрүшичә, "дуня шәрқий түркистанлиқлар қериндашлиқ учришиш йиғини" ниң 8 - нөвәтлики бу йил 7 - айниң 17 - күнидин 21 - күнигичә истанбулда бир меһманханида өткүзүлидикән.

Бу қетимқи қериндашлиқ учришиш йиғинида илмий мақалиләр оқулидикән, пикир баян қилинип музакирә вә муназирә елип берилидикән.

8 - Нөвәтлик дуня шәрқий түркистанлиқлар қериндашлиқ йиғини қандақ әһмийәткә игә? йиғинда қандақ мәзмунлар оттуриға қоюлиду?

Бу йиғинниң илгирики йиллардикидин охшашмайдиған пәрқләр қайси? бу соалларниң җавабиға еришиш үчүн йиғинни уюштурған шәрқий түркистан маарип вә һәмкарлиқ җәмийитиниң рәиси һидайәтуллаһ оғузхан вә баш катипи абдуләһәд абдурахман билән сөһбәт елип бардуқ.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт