"8 - Nöwetlik dunya sherqiy türkistanliqlar qérindashliq uchrishish yighini" échilmaqchi

Ixtiyariy muxbirimiz arslan
2016-07-09
Share
sherqiy-turkistan-qerindashlar-uchrishishi-teyyerliq-2016.jpg "8 - Nöwetlik dunya sherqiy türkistanliqlar qérindashliq uchrishish yighini" teyyarliqi üchün meslihet kéngesh yighini
RFA/Arslan


Merkizi istanbulgha jaylashqan "Sherqiy türkistan ma'arip we hemkarliq jem'iyiti" ning uyushturushi bilen her yili bir qétim ötküzülüp kéliwatqan "Dunya sherqiy türkistanliqlar qérindashliq uchrishish yighini" ning 8 - nöwetliki bu yil ötküzülidighan bolup, bu yighinning teyyarliq xizmetliri toghrisida sherqiy türkistan ma'arip we hemkarliq jem'iyitining idare hey'et rehberliri, jem'iyetning shöbiliri, teshwiqat, tetqiqat we neshriyat bölümliri mes'ullirining qatnishishi bilen 8 - iyul jüme küni bir meslihet kéngesh yighini ötküzüldi.

"Sherqiy türkistan ma'arip we hemkarliq jem'iyiti" ning re'isi hidayetullah oghuzxanning bildürüshiche, sherqiy türkistan ma'arip we hemkarliq jem'iyitining bu kéngesh yighinida dunya sherqiy türkistanliqlar qérindashliq uchrishish yighinining teyyarliq xizmetliri, yighinda otturigha qoyulidighan témilar, qatnashquchilar, söz qilghuchilar, muzakire qilinidighan asasi mezmunlar we ezalarning xizmet teqsimati toghrisida muzakire qilin'ghan we yighin'gha alaqidar bir türküm qararlar élin'ghan.

Hidayetullah oghuzxanning bildürüshiche, "Dunya sherqiy türkistanliqlar qérindashliq uchrishish yighini" ning 8 - nöwetliki bu yil 7 - ayning 17 - künidin 21 - künigiche istanbulda bir méhmanxanida ötküzülidiken.

Bu qétimqi qérindashliq uchrishish yighinida ilmiy maqaliler oqulidiken, pikir bayan qilinip muzakire we munazire élip bérilidiken.

8 - Nöwetlik dunya sherqiy türkistanliqlar qérindashliq yighini qandaq ehmiyetke ige? yighinda qandaq mezmunlar otturigha qoyulidu?

Bu yighinning ilgiriki yillardikidin oxshashmaydighan perqler qaysi? bu so'allarning jawabigha érishish üchün yighinni uyushturghan sherqiy türkistan ma'arip we hemkarliq jem'iyitining re'isi hidayetullah oghuzxan we bash katipi abdul'ehed abduraxman bilen söhbet élip barduq.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet