Qeyserige orunlashqan Uyghurlar öz shara'itidin memnun bolushti

Muxbirimiz erkin tarim
2015.01.08
uyghurlar-musapirlar-orunlashqan-bina-turkiye-qeyseri.jpg Qeyserige orunlashqan Uyghurlarning turalghu binasi
RFA/Erkin Tarim


Özlirining xitayning bésim siyasiti sewebidin her xil yollar bilen türkiyege kelgenlikini bildürgen bir qisim Uyghur muhajirliri türkiyening qeyseri shehiride özlirige waqitliq öy bérilishidin nahayiti memnun bolghanliqini tekitlidi.

Qeyseri sheherlik hökümet malayshiya arqiliq türkiyege kelgen Uyghurlargha 150 kwadrat métirliq , 4 éghizliq 100 yürüsh bina öy tesis qilghan idi. Türkiye dölitining bu yardimi öz wetinide yashash imkani qalmay chet'elge qéchip chiqip, öyge érishken Uyghurlarni nahayiti söyündürdi. Biz ularning bu öylerge orunlashturulghandin kéyinki hés - tuyghulirini igilesh üchün ular bilen téléfon söhbiti élip barduq.

Tursunjan isimlik Uyghur ziyaritimizni qobul qilip, türkiyege kelgendin kéyin türkiyening özige 150 kwadirat métir kenglikide öy bergenlikini, balilirini oqushqa orunlashturghanliqini bayan qildi.

Ular qiyin yollarni bésip türkiyege kelgendin kéyin türkiyede bundaq yaxshi mu'amile körgenlikidin intayin xursen bolghanliqini éytti.

Exmetjan ependi bolsa türkiyege kelgende öy - makansizliqtin kochilarda uxlighanliqi, emdi qeyseride öyge ige bolghanliqi, emma yene nurghun Uyghurning istanbulda qiyin ehwalda yashawatqanliqini bayan qildi. Uning éytishiche, hemme köchmen Uyghurlarning téxi mundaq öy - makan'gha érishmigenlikini bildürdi. U, her qaysi dölettiki Uyghur qérindashlirini türkiyediki musapir Uyghurlargha yardem qolini uzitishqa chaqirdi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.