Сәуди әрәбистан радиоси түркистан бөлүми уйғурчә тор бети айфон вә айпәткә бағланди

Сәуди әрәбистан радиоси қармиқидики түркистан бөлүми мушу бир ай ичидә көплигән йеңилиқларни баштин кәчүрди.
Ихтиярий мухбиримиз өмәрҗан
2013-03-20
Share
turkistan-bolumi-torbeti.jpg Сәуди әрәбистан радиоси түркистан бөлүми уйғурчә тор бети.
www.sjrt.org/

Сәуди әрәбистан радиоси қармиқидики түркистан бөлүми мушу бир ай ичидә көплигән йеңилиқларни баштин кәчүрди.

Сәуди әрәбистан радиоси қармиқидики түркистан бөлүминиң уйғурчә аңлитиши 1982-йили тунҗи қетим йолға қоюлған болуп, 30 йилдин көпрәк вақиттин бири заманниң тәрәққиятиға маслашқан һалда давам қилип кәлмәктә.

Йеқинда түркистан бөлүми җиддә радиоси үчүн мәхсус селинған бинадин аңлитиш башлиди, кона үскүниләр билән хошлишип, заманға лайиқ йеңи үскүниләр билән иш башлиди, түркистан бөлүминиң тор бети йеңилинип айфон вә айпәтләрдә чиқидиған болди.

Сираҗиддин әзизи билән сөһбәт

Сәуди әрәбистан радиоси тәркибидики түркистан бөлүминиң әң пешқәдәм дикторлиридин бири болған вәтәнпәрвәр устаз сираҗиддин әзизи түркистан бөлүми һәққидики сөһбитимизни қобул қилған иди. Қәдирлик радио аңлиғучилар төвәндә сираҗиддин әзизи билән елип барған сөһбитимизни диққитиңларға сунимиз.

Сираҗиддин әзизи түркистан бөлүмини тәпсилий тонуштурғандин кейин, мушу бир ай ичидә түркистан бөлүми баштин кәчүргән йеңилиқлар вә тәрәққиятлар һәққидә мәлумат бәрди.

Сираҗиддин әзизиниң билдүрүшичә, бир қанчә йилдин бири сәуди әрәбистан радиосиниң түркистан бөлүмидә аңлиғучиларни қизиқтуруш мәқситидә айлиқ илмий мусабиқә йолға қоюлған болуп, һәр айда мусабиқидә утуп чиққан икки кишигә 500риялдин җәмий 1000риял мукапат пули әвәтип берилиду. Илмий мусабиқә соаллири һәр айниң бешида түркистан бөлүминиң тор бетидә елан қилиниду, мусабиқигә қатнашқучилар җаваблириниwww.sjrtmusabiqe@gmail.com <http://www.sjrtmusabiqe@gmail.com>  Дегән елхәт адресқа әвәтип бериду. Мусабиқидә утуп чиққанлар йәнә торда елан қилиниду.

Түркистан бөлүминиң тор адреси www.sjrt.org <http://www.sjrt.org> Дур. Түркистан бөлүминиң аңлитишини қисқа долқун 31 метир 9885 килугретиста аңлашқа болиду.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт