Шветсийәдә уйғурлар туркийә парламент әзалири билән көрушти

Ихтиярий мухбиримиз иһсан
2014-03-03
Share
shiwetsiye-uyghur-parlament.jpg Шветсийәдә уйғурлар туркийә парламент әзалири билән биллә
RFA/Ihsan


1 - Март күни шветсийәдики түрк тәшкилатлиридин седа җәмийити билән тәқва җәмийити бирликтә уюштурған сүрийәгә ярдәм паалийити стокһолмниң шәрхолм районидики паалийәт залида өткүзүлди.

Бу ярдәм паалийитигә түркийәниң һазирқи һөкүмитини башқуруватқан адаләт вә тәрәққият партийисидин парламент әзаси орхан аталай, шветсийә йешиллар партийисидин парламент әзаси вә парламенттики гуруппа башлиқи мәһмәт қаплан, түркийә адаләт вә тәрәққият партийиси тәрипидин явропада қурулған “явропа түрк димократлар бирлики”ниң мәсули өзәр әкән, шветсийә уйғур маарип уюшмисиниң рәиси ниҗат турғун башчилиқидики биргуруппа һәйәт қатнашти.

Паалийәттә ақ партийә вәкили орхан аталай, мәһмәт қаплан сөзгә тәклип қилинди.

Сөзгә чиққан мәһмәт қаплан пүтүн дуняда зулум чикиватқан сүрийә, пәләстин, шәрқий түркистан, сомали, чечәнистан, афғанистан вә барлиқ мусулман доләтләрниң пат йеқинда һөрлүккә еришиши үчүн дуа қилди һәмдә паалийәткә қатнашқан уйғурларға рәһмитини билдурди.

Шу йәр вақти кәч саәт 17:30дин 19гичә елип берилған паалийәткә, адаләт тәрәққият партийиси паламент әзаси орхан аталай мәхсус шветсийәдики “явропа түрк демократлар бирлики” шобисиниң ечилиш вә рәһбәрлик қатлимини сайлаш мурасимигә қатнишиш үчүн кәлгән болуп, уйғур маарип уюшмисидики һәйәтләрму бу мурасимға тәклип билән қатнашити.

Йиғиндин кейин уйғур маарип уюшмисиниң муавин рәиси әхмәтҗан турсун, туркийә парламент әзаси билән сөһбәттә болди.

Сөһбәттин кейин әхмәтҗан турсун паламент әзаси орхан аталайға уйғурларниң чимән допписи вә изнәк совға қилди вә биллә хатирә сүрәткә чүшти.

Бу һәқтә тәпсилий мәлумат елиш үчүн уйғур маарип уюшмисиниң муавин рәиси әхмәтҗан турсунни зиярәт қилдуқ.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт