Shiwétsiyediki Uyghuristan meshrep ehli ikki jumhuriyetni xatirilidi

Ixtiyariy muxbirimiz ihsan
2015-11-11
Share
shiwitsiye-uyghur-abdulla-ahet-omer-mehsum-nijat-turghun.jpg Ongdin solgha: nijat turghun, abdulla ehed, ömer mexsum
RFA/Ihsan


Shiwétsiyede pa'aliyet qiliwatqan “Uyghuristan meshripi” jama'iti 8 - noyabir sitokholmning albiy rayonidiki pa'aliyet zalida 1933 - yili we 1944 - yili 11 - ayning 12 - künide qurulghan ikki qétimliq sherqiy türkistan jumhuriyiti” ni xatirilidi.

Xatirilesh pa'aliyitige meshrep ehli we yurt chongliridin bolup 20 din artuq kishi qatnashti.

Xatirilesh pa'aliyiti aldi bilen teklimakan islam medeniyet merkizining re'isi ömer mexsumning qira'iti we du'asi bilen bashlandi. Arqidin teklip bilen sözge chiqqan ömer mexsum chet'eldiki Uyghurlarning ikki jumhuriyetni qurghan ejdadlirini öginish ülgisi qilish bilen birge, ulargha oxshash mes'uliyet we mejburiyetni ada qilish üchün yolini izchil dawam qilishning muhimliqini bayan qildi.

Xatirilesh pa'aliyitide yene, méhmanlargha chet'ellerdiki Uyghurlar teripidin tarixta qurulghan ikki qétimliq “Sherqiy türkistan jumhuriyiti” ning qurulush musapisi teswirlinip ishlen'gen höjjetlik filim qoyup bérildi.

Pa'aliyet axirida biz, bu qétimliq pa'aliyetni teshkilligüchi “Uyghuristan meshripi” ning yigit béshi daniyar ependini ziyaret qilduq.

U, ziyaritimizni qobul qilip ikki jumhuriyetni xatirilesh pa'aliyiti ötküzüshtiki meqsitini otturigha qoydi.

Ziyaritimizni qobul qilghan bashqa sheherdin bu pa'aliyetke qatnishish üchün kelgen arupjan ependi, teklip bilen xatirilesh murasimigha qatnashqan yurt chongliridin bextiyar ependiler öz tesiratini anglatti.

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet