Arxip
2014-08-28
Türkiyening qeyseri shehiride pa'aliyet élip bériwatqan sherqiy türkistan medeniyet we hemkarliq jem'iyiti on yildin béri Uyghurlardin ömek teshkillep, her yili türkiyening bir qanche shehirini ékiskursiye qildurmaqta.
2014-08-28
“28-Iyul yeken weqesi” yüz bergenlikining bir ayliqi munasiwiti bilen, yaponiyede pa'aliyet élip bériwatqan Uyghur siyasiy pa'aliyetchilerdin ilham mahmut we doktor turmuhemmet hashim qatarliqlar ziyaritimizni qobul qildi.
2014-08-28
25 - Awghustta qirghiz - tajik chégrasidiki leylek rayonigha qarashliq qulundu yézisidiki sayliqta ikki dölet chégra qisimlirining qoralliq yoqunushi yüz berdi.
2014-08-27
Yéqinda xitaydiki Uyghur, tibet, mongghul qatarliq milletlerning kishilik hoquq mesilisige köngül bolup kéliwatqan yaponiyediki milletler kishilik hoquq mejlisi teshkilati chaqiriqname yollap yaponiye siyasetchilirini xitay türmiside yétiwatqan Uyghur ziyaliysi ilham toxtining mesilisige köngül bölüshke dewet qilghan.
2014-08-27
Uyghur diyarida yüz bériwatqan weqelerge egiship, türkiye metbu'atlirida Uyghur mesilisige qarita her küni dégüdek xewer, maqale we obzorlar élan qilinmaqta. Türkiyining her qaysi sheherliride ammiwi teshkilatlarning uyushturushi bilen namayish, yighin, murasim qatarliq her xil yighilishlar ötküzülüp, xitayning Uyghurlar üstidin yürgüzüwatqan basturush siyasetlirige naraziliq kücheymekte.
2014-08-27
Türkiyening eng chong ammiwi teshkilatliri arqa - arqidin bayanat élan qilip, buningdin kéyin Uyghur mesilisige köngül bölidighanliqini bayan qilishmaqta. Bularning ichide türkiyediki chong ammiwi teshkilatlardin biri “Türkiye ishchilar uyushmiliri bilriki”mu Uyghurlar mesilisige köngül bölidighanliqini bildürüp bayanat élan qildi.
2014-08-26
Seyshenbe küni ukra'ina krizisini hel qilishta muhim ehmiyetlik dep qariliwatqan tamozhna ittipaqi, ukra'ina we yawropa ittipaqining yighini bélarusiyening paytexti minsk shehiride bolup ötti. Bu yighinda ukra'ina, rusiye, qazaqistan, bélarusiye prézidéntliri we yawropa ittipaqi wekili qatniship köp mesililerni muzakire qilghan bolup, közetküchiler yighindin ukra'inadiki toqunushlarni toxtitish we uning téximu kéngiyishining aldini élish üchün ijabiy netijilerni kütmekte.
2014-08-25
8 - Ayning 23 - küni türkiyidiki ikki chong ammiwi teshkilat bilen bir sheherlik hökümet bayanat élan qilip xitayning Uyghurlargha élip bériwatqan bésim siyasitini eyiblidi we Uyghurlarning heqqaniy dewasini qollaydighanliqini bildürdi.
2014-08-22
Yaponiyedin chiqidighan nopuzluq metbu'atlardin biri bolghan “Nippon kézay géziti”ning “Yaponiyening türkiyege qoral éksport qilishi chüshke aylandi” serlewhilik maqalisi élan qilin'ghandin kéyin, türkiyege herbiy qoral téxnikisini éksport qilmaqchi boluwatqan yaponiyening, türkiyening yaponiye téxnikisidin paydilip tanka ishlepchiqirishi we uni islam döletlirige sétish pilani shundaqla türkiyening xitay bilen bolghan herbiy jehettiki hemkarliqliri sewebidin tokyoning enqerege herbiy qoral éksport qilish kélishimini bikar qilghanliqi axbarat saheside munazirilerge yol achti.
2014-08-21
Özbékistan prézidénti islam kerimof 19 - 20 - awghust künliri dölet ziyaritide bolush üchün béyjinggha yétip kélip, xitay dölet re'isi shi jinping bilen körüshüp, ikki döletning köp tereplik hemkarliqliri heqqide söhbetler élip bardi hemde birleshme bayanat élan qilip, ikki döletning keng da'irilik hemkarliqlirini téximu kücheytidighanliqigha pütüshti. Rusiye bilen gherbning ukra'ina mesilisige a'it ziddiyetliri ötkürleshken peytke toghra kelgen bu ziyaret heqqide türlük qarashlar mewjut.
2014-08-21
Türkiyediki 10 chong ammiwi teshkilatlarning mes'ulliri 8 - ayning 20 - küni muxbirlarni kütüwélish yighini chaqirip xitayning Uyghurlargha élip bériwatqan siyasitining zulumgha aylan'ghanliqini éytqan idi. Bu xewer türkiyediki pütün téléwiziye qanalliri we gézitlerde orun aldi.
2014-08-20
Türkiyediki 10 chong ammiwiy teshkilatning mes'ulliri 8 - ayning 20 - küni muxbirlarni kütiwélish yighini chaqirip xitayning Uyghurlargha élip bériwatqan siyasitining zulumgha aylan'ghanliqini éytti.
2014-08-19
Shangxey hemkarliq teshkilatigha eza rusiye, qazaqistan, qirghizistan, tajikistan we xitay qatarliq 5 döletning armiyesi ichki mongghuliye aptonom rayonida térrorizmgha qarshi birleshme herbiy manéwiri ötküzüshning jiddiy teyyarliq xizmitini qilmaqta. Xewerlerge qarighanda bu manéwirgha 7 mingdin artuq adem qatnishidiken.
2014-08-19
Nyuyorktin chiqidighan “Nyuyork xewerliri zhurnili”ning mushu aydiki sanida zhurnalist bill powérning “Yaponiyege urush pursiti bérish qoshna ellerni endishige saldi” serlewilik maqalisi élan qilin'ghan. Mezkur maqalide yaponiyege urush pursiti bérishning tarixiy we siyasiy arqa körünüshi shundaqla buningdin xitayning bi'aram bolushidiki sewebler üstide mulahiziler élip bérilghan.
2014-08-18
Yéqindin buyan bolup, 28 - iyul yeken weqesidin kéyin türkiyening herqaysi wilayet, sheher we nahiyeliride xitaygha qarshi naraziliq bildürüsh, Uyghurlargha hésdashliq bildürüsh pa'aliyetliri qanat yaymaqta.
