Arxip
2015-06-30
Xitay konsuli sün bawariye parlaméntida ötküzülgen iptar sorunida d u q mu'awin re'isi esqerjan bilen uqushmastin isim kartini almashturup, birge resimlerge chüshüp bolup, uning kimlikini bilgendin kéyin qorqup kétip yéniwalghanidi.
2015-06-29
Xitay konsuli bawariye parlaméntida s p d parlamént bashliqi markos rénder ependige “1.3 Milyard xitaygha turamsen yaki Uyghurghimu?” dégen shertni qoyidu, markos ependi bolsa “Uyghur dostlirimgha turimen” dep jawab béridu.
2015-06-28
Türkiyediki eng chong ammiwi teshkilatlardin biri bolghan mezlumlar hemkarliq jemiyiti 6 - ayning 26 - küni xitayning enqerede turushluq elchixanisi aldida iptar tamiqi yep, namayish qilip xitayning Uyghurlargha élip bériwatqan diniy bésim siyasitige naraziliq bildürdi.
2015-06-28
22 - Iyun kanada parlaméntida “Sherqiy türkistan medeniyet merkiziy” bir iptarliq pa'aliyiti uyushturghan. Pa'aliyetke kanada hökümet erbablirimu qatnashqan we Uyghurlar heqqide söz qilghan idi.
2015-06-26
6 - Ayning 22 - küni qeshqerde yüz bergen weqede 18 Uyghurning étip öltürülgenlik xewiri tarqitilghandin kéyin türkiyediki herqaysi ammiwi teshkilatlar arqa - arqidin bayanat élan qilip, xitayning bu xil sotlimayla neq meydanda öltürüsh siyasitini qattiq eyiblidi.
2015-06-26
D u q namida 25 - iyun küni myunxénda ötküzülgen iptarliq pa'aliyetke gérmaniye, türkiye, amérika qatarliq ellerning konsulliri we bawariyediki chong partiyilerning wekilliri, türk we islam teshkilatlirining re'isliri hemde 200 ge yéqin Uyghur, türk jama'iti qatniship, xitayning Uyghurlar üstidin yürgüzüwatqan zulumlirini ortaq rewishte qattiq eyiblidi.
2015-06-26
Hemmige melum bolghinidek bu yil ramzan éyi kirip kélishi bilen teng türkiye we amérika bashliq gherb we sherqning köpligen elbashliri pütün dunya musulmanlirining ramzan éyini tushmutushtin mubareklep söz qildi. Ularning sözliride bu mubarek ramizanning tinchliq we beriketler bilen tolghan, dunya ehlige xatirjemlik béghishlaydighan bir ay bolushini ümid qilidighanliqi eks etti.
2015-06-24
Amérika - xitay istratégiye we iqtisad di'alogi amérika paytexti washinggtonda bashlandi. 7 - Nöwetliki hisablinidighan bu di'alog del xitay jenubiy déngizda quruwatqan sün'iy arallar mesilisi we shundaqla amérikining dölet organlirining tor sistémisigha qilin'ghan zor kölemlik tor hujumi sewebidin ikki dölet arisidiki munasiwetler jiddiyleshken mezgilge toghra keldi.
2015-06-24
21 - Iyun düshenbe küni xitayning lyawning ölkisi yülin shehiride xitaylarning it göshi yéyish féstiwali ötküzülgen. Bu féstiwalda xitayning nechche yüzligen itni öltürüp yégenliki bildürüldi.
2015-06-24
6 - Ayning 22 küni “Sherqiy türkistan medeniyet merkizi” “Bir dunya erkinlik teshkilati” bilen birliship kanada parlamént binasida“Diniy erkinlik we köp qatlamliq medeniyet” dégen témida iptarliq pa'aliyiti ötküzdi.
2015-06-24
Ramizan éyi bashlan'ghandin béri türkiyediki axbarat wasitiliridin xitayning Uyghurlarning roza tutushini chekligenliki toghrisidiki xewerlerge keng - kölemde orun bérilmekte
2015-06-23
Amérika dölet ishliri ministirliki yéqinda herqaysi döletlerdiki térrorluqqa a'it yilliq doklatini élan qildi. Doklatta, herbir dölette mewjut bolup turuwatqan térrorluq mesilisi, uning maliye menbesi we éliniwatqan tedbirler üstide melumatlar bérilgen.
2015-06-23
B d t kishilik hoquq kéngishining 29 - nöwetlik yighinigha qatnashqan d u q wekilliri xitay hökümitining Uyghurlar üstidin yürgüzüwatqan zulumlirini pash qilghan. Xitay wekilliri étiraz bildürüp, xitayning milliy siyasitining Uyghurlargha bext - sa'adet élip kelgenlikini tekitligen. Ikki terep otturisidiki pikir ixtilabi yighinda Uyghurlar mesilisining yenimu keng tilgha élinishigha seweb bolghan.
2015-06-23
Türkiyediki siyasiy partiyeler, ammiwi teshkilatlar we guruhlardin bashqa yene bezi türklermu pütün imkaniyiti bilen Uyghur mesilisini türk jama'etchilikige anglitishqa tirishmaqta. Bulardin biri enqerediki bir toluq ottura mektepning mu'awin mudiri aytékin chetin ependidur.
2015-06-22
Xitay hökümitining Uyghurlargha qaratqan siyasiy we diniy zulumining küchiyishige egiship, téximu jiq Uyghurlarning türlük xeterlik yollargha tewekkül qilip chet'ellerge hijret qiliwatqanliqi we bu jeryanda ularning oxshimaydighan teqdir - qismetlerge duchar boluwatqanliqi tonushluq bir mesilige aylandi.
