Arxip
2014-12-31
Türkiyediki ammiwiy teshkilatlar taylandtiki 300 Uyghurni türkiyege élip kélishni telep qilip, her xil pa'aliyetlerni oyushturmaqta. 12 - Ayning 27 - küni türkiye doghan xewer agéntliqi tayland hökümitining 300 Uyghurni xitaygha qayturup bérishni qarar qilghanliqi toghrisidiki xewerni ilan qilghandin kéyin, türkiyediki ammiwiy teshkilatlar türkiyening herqaysi wilayetliride arqa - arqidin namayish, muxbirlargha bayanat bérish we qol qoyush pa'aliyetliri ötküzüp, türk hökümitini taylandtiki 300 Uyghurni türkiyege élip kélishke chaqirmaqta.
2014-12-30
Türkiye sitar gézitining 29 - dékabir sanida “Gunahsiz we mezlum Uyghurlar” dégen témida bir maqale élan qilindi. Bu maqalini sitar gézitining obzurchisi séwil nuriyéwa xanim yazghan bolup, maqalide asasliqi Uyghurlarning naheqchilikke uchrawatqanliqi, bolupmu taylandta tutup turuluwatqan Uyghurlarning paji'elik ehwali toghrisida toxtalghan.
2014-12-30
Shiwétsiye “Uyghuristan meshripi” diki yashlar turkiyege sherqiy jenubi asiya döletliridin kélip yerlishiwatqan Uyghurlarning qiynchiliqta qalghanliqi heqqidiki xewerni anglap, özlirining her ayliq meshripide saxawet ishliri üchün yighilghan pullirigha meshreptiki balilarni we etraptidiki Uyghurlarni seperwer qilip iqtisadi jehettin yardem bérish pa'aliyitini bashlighan idi.
2014-12-29
23-Dékabir küni moskwada rusiye, qazaqistan, bélarusiyedin terkib tapqan üch döletni öz ichige alghan yéngi rayon xaraktérlik teshkilat “Yawro-asiya iqtisadiy ittipaqi”ning yighini bolup ötti.
2014-12-26
Türkiye dölet re'isi rejep tayyip erdoghan 12 - ayning 25 - küni axsham bergen katta ziyapetke sherqiy türkistan ammiwiy teshkilatlirining rehberlirimu alahide teklip boyiche qatnashti. Erdoghan türkiye xelq iradisi munbirinimu öz ichige alghan 173 chong ammiwiy teshkilatning mes'ullirigha yéngi sélin'ghan ordisining ziyapet zalida ziyapet berdi. Mezkur ziyapetke sherqiy türkistan ma'arip we hemkarliq teshkilati bashliqi hidayetullah oghuzxan ependi bilen sutuq bughraxan ilim we medeniyet fondi jem'iyiti bashliqi alimjan boghda ependi alahide teklip boyiche qatnashti. Muxbirlargha yépiq ötküzülgen bu ziyapetke türkiye siyasitige zor tesir körsitiwatqan eng chong ammiwiy teshkilatlarning mes'ulliri, döletning aliy rehberliridin bolup, 250 etrapida kishi qatnashti.
2014-12-26
Amérika jüme küni pakistanning shimaliy weziristan rayonidiki islamchi qoralliq küchlerge uchquchisiz ayropilanda hawa hujumi qilip, hujumda 30 dek qoralliq küchni öltürgen. Hawa hujumi taliban we özbék qoralliq küchlerning afghanistan chégrasigha yéqin jaydiki bazisini nishan qilghan.
2014-12-26
Türkiyining eng chong teshkilatliridin biri bolghan ülkü ojaqliri teshkilati teripidin taylandta tutup turuluwatqan 300 Uyghurni türkiyige keltürüsh üchün bashlitilghan imza toplash pa'aliyiti türkiyining her qaysi sheher we rayonlirida dawam qiliwatidu.
2014-12-26
Ukra'ina weziyiti peqet ukra'inliqlarnila emes, belki bashqa xeliqlerning, jümlidin qazaqistanliqlarningmu diqqet merkizide boluwatqini melum. Bolupmu dölet derijiside rusiye we ukra'ina oxshash ikki sabiq qérindash sowét jumhuriyiti otturisida yüz bergen toqunush yawropa we pütkül dunya weziyitige qattiq tesir qilmaqta. Shuni alahide tekitlesh kérekki, ukra'ina weziyitidin her kim öziche sawaq almaqta.
2014-12-22
2014 - Yili 15 - dékabir düshenbe küni istanbulning topqapi rayonigha jaylashqan istanbul yéngi esir uniwéristétida “Qanighan yarimiz - sherqiy türksitanning yénida biz” namliq yighin we resim körgezmisi échldi.
2014-12-19
Qirghizistan prizidénti almasbék atambayif se'udi erebistanda ziyarette bolghan mezgilde, ereb shérketlirini qurulush pilanliniwatqan xitay - qirghizistan - tajikistan - afghanistan - iran tömür yoligha meblegh sélishqa chaqirghan idi.
2014-12-15
Shangxey hemkarliq teshkilatigha eza döletlerning,yeni rusiye, xitay, qazaqistan, qirghizistan, özbékistan, tajikistan bash ministirliri15 - dékabir küni qazaqistan paytexti astanagha jem bolup, mezkur teshkilatning bir qatar mesililirini muhakime qildi. Bu yighin'gha yene közetküchi döletler wekillirimu ishtirak qildi.
2014-12-15
Xitay hakimiyitining Uyghurlargha qaratqan bésim siyasitining kündin - kün'ge küchiyip bérishi, gérmaniyede yashawatqan türklerning mustebit kommunist xitay hakimiyitige bolghan naraziliqini yenimu ashurdi.
2014-12-15
14 - Dékabir gollandiyining améstrdam shehiridiki bir zalda, majaristandiki “Honlar qurultiyi” din wekil bolup kelgen andras ependining honlar we majarlar tarixini tonutush programmisi bilen gollandiyide yashawatqan türk tarixi tetqiqatchisi memet tunjer ependining teqdim qilishida insan heqliri küni munasiwiti bilen sherqiy türksitandiki Uyghurlarning nöwettiki weziyitini tonutush programmisi mezmun qilin'ghan bir pa'aliyet ötküzüldi.
2014-12-12
10 - Dékabir dunya kishilik hoquq küni munasiwiti bilen istanbulda ülkü ojaqliri teshkilatining uyushturushi bilen sherqiy türkistan, qirim, süriye we türkmen élida yüz bériwatqan kishilik hoquq depsendilikliri we zulumgha qarshi namayish élip bérildi.
2014-12-05
Türkiyege köp sanda yéngidin kéliwatqan Uyghur muhajirlar gerche erkin dunyagha chiqip hörlükke érishken bolsimu, ijtima'iy hayatta ularning her xil qiyinchiliqqa duch kéliwatqanliqi ilgiri sürülmekte.
