Tokyoda musulmanlar 5 - iyul weqesini eslep xitayning diniy siyasitini eyiblidi

Ixtiyariy muxbirimiz haji qutluq qadiri
2015-07-03
Élxet
Pikir
Share
Print
Tokyodiki türk meschiti
Tokyodiki türk meschiti
RFA/Haji Qutluq Qadiri


3 - Iyul, jüme küni tokyodiki türk meschitige jüme namizigha jem bolghan musulmanlar 5 - iyul weqeside öltürülgen Uyghur shéhitlirige du'a qildi we shundaqla xitayning Uyghurlarning roza tutushini cheklesh siyasitini eyiblidi.

Bügün yaponiyediki eng büyük meschitlerdin biri bolghan tokyodiki türk meschitige jüme namizigha toplan'ghan musulmanlar 2009 - yili 5 - iyul ürümchidiki Uyghur yashlirining tinch élip barghan namayishida xitay da'iriliri teripidin bigunah öltürülgen Uyghurlargha atap du'a qilghan.

Tokyodiki türk meschitining imami muhemmet rashit alas jüme namizidiki qutbe weziside 2009 - yili Uyghur élida yüz bergen 5 - iyul qanliq qirghinchiliqi heqqide jama'etke qisqiche chüshendürüsh bergendin kéyin, qur'an tilawet qilip, köpchilik bilen birlikte shu qétimqi qirghinchiliqta qetli qilin'ghan shéhitlerge atap du'a qilghan.

Imam muhemmet rashit alas qutbe namizidiki weziside yene, nöwette Uyghur élida ramizan éyi bashlan'ghandin buyanqi xitay hökümitining Uyghurlarning roza tutushini cheklesh üchün qollan'ghan türlük tedbir we siyasetlirini eyibligen. U shundaqla sözide pütün dunya musulmanlirining ulugh ay, ulugh künlerde Uyghurlarning diniy hörlüki üchün alahtin asanliq telep qilip du'a qilishini ötün'gen.

Tokyodiki jüme namizi axirilashqandin kéyin bizning téléfon ziyaritimizni qobul qilghan pakistanliq tonulghan zhurnalist zubeyir mundaq dédi:

- Biz bügün peqetla sherqiy türkistanliq musulmanlar üchün du'a - tilawet qilip, ibadet qilduq. Hemmige melum bolghinidek, xitay hökümiti ramizanda Uyghurlarning diniy erkinlikini boghup, ularning roza tutushini cheklewatqan bolsimu, emma elhemdulilla Uyghurlar yenila namizini oqup, rozisini tutiwatidu. Inshallah allah ulargha medetkar bolghay.

Türkiyedin yaponiyege sayahet kelgen mustafa bügünki jüme namizi heqqide toxtilip:"Imam bügünki jüme namizida islam alimi üchün, jümlidin sherqiy türkistandiki Uyghurlar üchün allahdin yardem tilep du'alar qildi. Bu bizning elwette qilishqa tégishlik ishimiz. Türkiyede hem meschitlerde sherqiy türkistanliqlar üchün du'a qilimiz. Xitay hökümitining Uyghurlarni roza tutquzmasliq siyasitige qattiq nepritimizni bildürimiz" dédi.

Islam dunyasigha tonulghan hindonéziyelik jama'et erbabi sheyix idiris nöwettiki Uyghur weziyiti heqqide toxtilip:"Sherqiy türkistan mesilisi pütkül musulmanlarning mesilisidur. Jümlidin insaniyet dunyasining mesilisi, bolupmu hazirqi waqitning özide yeni ramizan éyida Uyghurlar nahayiti éghir azap - oqubet ichide roza tutuwatidu. Biz elwette dinimizni qoghdishimiz kérek. Biz Uyghurlar üchün da'im du'a qilimiz we qolimizdin kélishiche yardemde bolushimiz kérek" dédi.

Axirida bügünki jüme namizigha qatnashqan Uyghurlardin ziyaritimizni qobul qilghan dunya Uyghur qurultiyining yaponiyediki wekili doktor turmuhemmet hashim bu heqte toxtilip ötti.

Yuqiriqi awaz ulinishidin tepsilatini anglang.

Toluq bet