Уйғур мәсилиси түрк ахбарат васитилиридә изчил һалда орун алмақта

Мухбиримиз әркин тарим
2016-01-13
Share
turkiye-uyghur-metbuat-fatima-jengiz-hamut-kokturk.jpg Түркийә мәтбуатидики һамут көктүрк әпәнди
RFA/Erkin Tarim


"5 - июл үрүмчи вәқәси" дин кейин бәзи түрк ахбарат васитилири изчил һалда уйғур мәсилисигә орун беришкә башлиди. Булардин бири йешил қарадеңиз радиоси. Мәзкур радио кейинки бирқанчә йилдин бери изчил һалда уйғур мәсилиси тоғрисида радио программиси ишләп тарқатмақта. 13 - январ күни радио илһам тохтини алаһидә тонуштурди. 2 Саәтлик программида илһам тохтиниң һаяти, униң уйғур мәсилисини һәл қилиш йоллири тоғрисидики көз қарашлири аңлитилғандин башқа, илһам тохти тоғрисида түркийәдә нәшр қилинған китаб тонуштурулди.

Биз мәзкур радио вә радиониң уйғурларға болған қизиқиши тоғрисида мәлумат игиләш үчүн радиониң хоҗайини имдат өзҗан әпәнди билән сөһбәт елип бардуқ.

У, алди билән йешил қарадеңиз радиоси тоғрисида мәлумат берип мундақ деди: "мән 16 йилдин бери радио иши билән шуғуллиниватимән. Биз һазир районға қарита аңлитиш бериватимиз. Әмди пүтүн түркийәгә вә чәтәлгә қарита аңлитиш бериш үчүн тәйярлиқлиримиз пүтүп қалди. Бундин кейин радио аңлитишимизни кеңәйтмәкчимиз. Йешил қарадеңиз радиоси һазир ич анатолийә районида аңлитиш бәрмәктә."

Йешил қарадеңиз радиоси 5 - 6 йилдин бери изчил һалда уйғур мәсилисини аңлитип келиватқан болуп, һәр айда бир қанчә қетим түркийәдики уйғур зиялийлири, аммиви тәшкилатлириниң мәсуллири вә уйғур паалийәтчилири билән сөһбәт елип берип уйғурларниң тарихи, һазирқи вәзийити, тили, әдәбиятини аңлатмақта.

Бу радиониң хоҗайининиң уйғурларға бундақ қизиқишидики сәвәб немә? бу һәқтә тохталған имдат өзҗан әпәнди мунуларни деди: "мениң уйғурларға қизиқишим биринчиси түрк болушум. Чүнки уйғурлар мениң қериндишим. Мән ана тәрәптин қирим татаримән. Балилиқ чеғимдин тартип түркийә сиртида яшиған түркий милләтләрниң бесим вә зулум астида яшаватқанлиқини биләттим. Униң үчүн бу қериндашлиримизниң дәрдигә дәрман болуш, уларниң дәрд - әләмлирини дуняға аңлитиш бизниң бурчимиз. Уйғурларниң әркинликкә еришидиғанлиқиға ишәнчим камил болғачқа, уйғур мәсилисини аңлитишни давамлаштуруватимән. Биз һазир радиомизда нуқтилиқ һалда, уйғур мәсилиси, қирим мәсилиси, сипрус мәсилиси, ирақ вә сүрийәдики түркмәнләрниң мәсилилирини аңлитиватимиз. Түрк җамаәтчиликигә түрк ‹дунясиниң қаниған яриси болған уйғур мәсилиси' ни аңлитишни давамлаштуримиз. Аллаһ уйғур қериндашлиримизға әркинлик ата қилсун."

Биз мәзкур радиониң сөһбәт программилириға әң көп чиққан һамут көктүрк әпәнди билән сөһбәт елип бардуқ. У, йешил қарадеңиз радиосиниң узун йиллардин бери изчил һалда уйғур мәсилисини аңлитип кәлгән, мәркизи қәйсәридә турушлуқ радио икәнликини баян қилди.

Һамут көктүрк әпәнди радиода уйғур мәсилисини аңлитишниң алаһидиликлири тоғрисида тохталди.

Һамут көктүрк әпәнди бүгүнки 3 саәт давамлашқан радио программисида муддәтсиз қамақ җазасиға һөкүм қилинған илһам тохтиниң һаятиниң аңлитилғанлиқини ейтти.

Түркийәдики радиолар ичидә изчил һалда уйғур давасини аңлитиватқан йешил қарадеңиз радиосиниң уйғурлар үчүн қилған хизмәтлири наһайити көп болуп, һамут гөктүркниң ейтишичә, түркийәниң қәйсәри вилайитидә уйғурларниң яхши тонулушида мәзкур радиониң төһписи интайин зор икән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт