Doktorluq püttürgenlerge türkiyede xizmet pursiti yaritilmaqchi

Türkiyede uniwérsitétlarning köplep qurulushi bilen her xil kesiplerde ishleydighan oqutquchilargha éhtiyajmu ashmaqta. Shunga, yéqinda türkiye hökümiti bu heqte qarar maqullap, chet'elliklerning türkiyediki uniwérsitétlarda xizmet qilishini asanlashturdi.

Qarargha qarighanda, eger siz “Doktorluq” unwani alghan bolsingiz yaki bir yil ichide oqush püttüridighan bolsingiz we türkiyede ishleshni xalisingiz Uyghur oqughuchilar komitéti bilen alaqileshsingiz bolidiken.

Yaki bolmisa, türkiye aliy mekteplerni bashqurush komitétining tor békitige kirip, türkiyediki herqaysi uniwérsitétlarning tor bet adréslirini tépip kirsingiz, her qaysi uniwérsitétlarning oqutquchi qobul qilish shertlirini köreleysiz.

www.uyguroku.com Tor bétidiki élan'gha asaslan'ghanda, eger türkiyediki uniwérsitétlarda ishleshni xalighan kishiler, qisqa waqit ichide terjimihalini, toluq kurs, magistirliq we doktorluq oqush püttürüsh ilmiy maqalilirining qisqiche mezmunini yézip uyguroku@gmail.com Adrésigha ewetse bolidiken. Eger bir yerde ishligen bolsa uningmu tepsilatini yézip qoyushi kérek iken.

Türkiye jumhuriyitide bundin 15 yil burun 70 etrapida uniwérsitét bar idi. Yéqinqi yillarda dölet we shexsi uniwérsitétliri bolup, köp sanda uniwérsitét quruldi.

Türkiyening amérika, qazaqistan, qirghizistan we gérmaniyede achqan uniwérsitétini qoshqanda türk uniwérsitétning sani ikki yüzge yétip qalghan.

Buni bésish arqiliq, pikringizni yézing

• Print
• Hembehr
• Ewetish

Barliq pikir - bayanlarni körüsh.

• Bügünki anglitish
• Ilgiriki anglitishlar