Берлинда чақирилған уйғурлар мусапирлар мәсилиси хәлқара илмий муһакимә йиғини ғәлибилик аяқлашти

Ихтиярий мухбиримиз һаҗи қутлуқ қадири
2016-04-26
Елхәт
Пикир
Share
Принт
Берлинда чақирилған уйғурлар мусапирлар мәсилиси хәлқара илмий муһакимә йиғинидин бир көрүнүш
Берлинда чақирилған уйғурлар мусапирлар мәсилиси хәлқара илмий муһакимә йиғинидин бир көрүнүш
RFA/Haji Qutluq Qadiri


25 - Апрелдин башлап берлинда чақирилған уйғур мусапирлар мәсилиси хәлқара йиғини 26 - апрел ғәлибилик ахирлашти.

Иккинчи күнигә қәдәм қойған хәлқаралиқ илмий муһакимә йиғини 26 - апрел әтигән явропа шәрқий түркистан бирлики тәшкилатиниң рәиси әнивәрҗанниң риясәтчиликидә башланди.

Йиғинниң әтигәнлик программисида хәтәр астидики милләтләр тәшкилатиниң вәкили илария «хәлқара қанундики қайтуруп бәрмәслик вә қайтуруп беришниң алдини елиш принсиплири әһдинамисигә имза қоймиған дөләтләргә бир нәзәр», түркийә фатиһ университети мутәхәссиси доктор мәттурсун бәйдулла «уйғур кимлики вә муһаҗирәттә кимликни сақлап қилиш һәққидә издиниш», түркийә һаҗәттәпә университети мутәхәссиси доктор әркин әкрәм«заманивий уйғур кимлики вә уни қоғдаш>» қатарлиқ темиларда мақалилирини оқуп өттивә бу һәқтә қисмән мулаһизиләр елип берилди. Зияритимизни қобул қилған доктор әркин әкрәм бу һәқтә қисқичә тохталди.

Йиғиниң кейинки программилирида хәтәр астидики милләтләр тәшкилатиниң вәкили ханнониң «мусапир уйғурларниң хитайға қайтуруп берилишини тохтитиш вә шәрқий түркистандики уйғурларға ярдәм қилиш» намлиқ мақалиси, америкидики уйғур кишилик һоқуқ тәтқиқат оргиниң мудири алим сейитофниң «өтмүштин елинған аччиқ савақлар вә уйғур мусапирлириға ярдәм беридиған пайдилиқ истратегийәләр» намлиқ мақалиси, явропа чегралири уюшмисиниң вәкили һаралдниң «германийә вә явропа бирликиниң панаһлиқ вә көчмәнләр сиясити» намлиқ мақалләр оқуп өтүлүп бу һәқтә бәзи бир пикирләр оттуриға қоюлди.

Йиғинниң иккинчи күнидики уйғур мусапирлар мәсилиси һәққидә оқуп өтүлгән барлиқ мақалиләргә йиғин әһли бирдәк пикир қатнаштуруп өзлириниң нөвәттики уйғур мусапирлар мәсилисигә болған қарашлирини оттуриға қоюп өтти.

Бүгүнки йиғинда йәнә дуня уйғур қурултийи тәшвиқат мәркизиниң мудири пәрһат муһәммиди өзиниң уйғур мусапирлар мәсилиси тоғрисидики тәтқиқат мақалисини оқуп кәң йиғин әһлиниң алқишиға еришти.

Биз йиғиндин кейин бу қетимқи йиғин һәққидә бәзи бир қарашларға игә болуш үчүн бир қисим йиғин әһли билән сөһбәт елип бардуқ.

Алди билән зияритимизни қобул қилған америка демократийәни илгири сүрүш фондиниң муавин рәиси луйиса ханим өзиниң қарашлирини баян қилип:«мән сөзүмни йиғинчақлап ейтсам,уйғур мусапирлар мәсилисини һәл қилиш үчүн һәрикәт елип беришимиз вә уйғурларниң өз юртлирида бихәтәр яшишиға капаләтлик қилишимиз керәк» деди.

Дуня уйғур қурултийи иҗраийә комитетиниң мудири долқун әйса бу қетимқи йиғинниң әһмийити һәққидә тохталди. Йиғинға иштирак қиливатқан лондон уйғур ансамбилиниң нахшичиси рәһимә йиғин һәққидә тохталди.

Берлинда чақирилған бу қетимқи уйғур мусапирлар мәсилиси тоғрисидики хәлқаралиқ илмий муһакимә йиғининиң йепилиш мурасимида дуня уйғур қурултийиниң рәиси рабийә қадир ханим уйғур мәсилисини қоллап келиватқан чәтәллик мутәхәссисләргә уйғур допписини тәқдим қилди.

Йиғин чүштин кейин саәт бәштә ғәлибилик ахирлашти.

Юқириқи аваз улинишидин тәпсилатини аңлаң.

Пикирләр (0)
Share
Толуқ бәт