Yaponiyede sherqiy türkistan jumhuriyetlirini xatirilesh pa'aliyiti ötküzüldi

Ixtiyariy muxbirimiz qutluq
2014-11-10
Élxet
Pikir
Share
Print
Yaponiye Uyghur jem'iyitining gholluq ezasi gülistan xanim sözde
Yaponiye Uyghur jem'iyitining gholluq ezasi gülistan xanim sözde
RFA/Qutluq


11 - Ayning 8 - küni yaponiye Uyghur jem'iyitining yitekchilikide tokyoda sherqiy türkistan jumhuriyetlirini xatirilesh pa'aliyiti ötküzülgen.

Uyghurlarning yéqinqi zaman tarixida qurulghan 1933 - yilidiki sherqiy türkistan islam jumhuriyiti bilen 1944 - yili 12 - noyabirda qurulghan sherqiy türkistan jumhuriyitini xatirilesh pa'aliyiti tokyo kanda rayondiki TKP yighin zalida élip bérilghan.

Ikki jumhuriyetni xatirilesh pa'aliyitide alahide sözge teklip qilin'ghan yaponiyediki jenubiy mongghul erkin démokratik herikiti teshkilatining mes'uli daychin söz qilip Uyghurlarning öz tarixida qurghan bu ikki jumhuriyitining qurulush jeryani heqqide toxtalghan.

Yaponiyediki jenubiy mongghul erkin démokratik herikiti teshkilatining mes'uli daychin
Yaponiyediki jenubiy mongghul erkin démokratik herikiti teshkilatining mes'uli daychin Photo: RFA

U sözide, öz döletliridin ayrilghan, yaponiyede sergendanliqta yashawatqan Uyghur, tibet, mongghul qatarliq teghdirdash milletlerning öz erkinlikini qolgha keltürüsh üchün élip bériwatqan kishilik hoquq pa'aliyetliride öz - ara hemkarliship, qérindashlarche dostluq ornitip algha ilgirilishning ehmiyiti üstide toxtalghan.

Sherqiy türkistan jumhuriyetlirini xatirilesh pa'aliyitige yaponiyediki tibet, mongghul, Uyghur we shundaqla Uyghur mesilisini qollighuchi yaponlardinmu köp sanidiki kishiler qatnashqan.

Xatirilesh pa'aliyiti chüshtin kéyin sa'et ikki yérimdin töt yérimgha qeder dawamlashqan.

Biz pa'aliyet axirilashqandin kéyin, bügünki pa'aliyetke mes'ullardin biri bolghan yaponiye Uyghur jem'iyitining gholluq ezasi gülistan xanim bilen bu heqte téléfon söhbiti élip barduq.

Yuqiriqi awaz ulinishidin tepsilatini anglang.

Toluq bet