японийәдики уйғурлар норуз байримини түрлүк шәкилләр билән тәбриклиди

Ихтиярий мухбиримиз қутлуқ
2014.03.24
yaponiye-uyghur-noruz.jpg  японийәдики уйғурларниң норуз байрими өткүзиши
RFA/Qutluq


Уйғур етник мәдәнийитиниң тәвәррүки болған норуз байрими узақ йиллардин буян японийәдә яшаватқан уйғурларниң иҗтимаий турмушида йилда бир қетим өткүзүлидиған һаятбәхш вә илһамбәһш байрими болуп, японийәдики уйғурлар өзиниң бу әнәнивий миллий байримини йиллардин бери түрлүк шәкилләрдә өткүзүп кәлмәктә.

Кансай районидики бир қисим уйғурлар бу йилқи өткүзүлгән норуз байримини тәбрикләш паалийитигә узундин буян уйғур елиға түрлүк җәһәтләрдә ярдәмдә болуватқан, йеқинда кирийәдә йүз бәргән йәр тәврәш апитигә иллиқ йәткүзгән сахавәтчи японларни тәклип қилип бу арқилиқ уларға  уйғур елидики уйғурлар намидин өз рәһмитини билдүргән.

Бир қисим алий мәктәпләрдә оқуватқан уйғур оқуғучиларниң бизгә билдүрүшичә, улар өз мәктәплиридики түркийә вә әзәрбәйҗандин кәлгән оқуғучилар билән бирликтә, норуз байримида түрлүк уйғурчә таамларни тәйярлаш арқилиқ чәтәллик достларға уйғур мәдәнийитини болупму норуздин ибарәт бу байрамда елип берилидидиған паалийәтләрни тонуштурушни асас қилған һалда тәбрикләш паалийитини елип барған.

Әмма зияритимизни қобул қилған  уйғур зиялийси доктур турмуһәммәт һашим өзиниң  бу йилқи норуз өткүзүшни халимиғанлиқини билдүрүп һәқтә тохтилип өтти.

Японийәдики уйғур сиясий актиплиридин гүлистан ханим өзиниң һечқандақ норуз өткүзүш паалийәтлиригә қатнишиштин мустәсна һалда өз өйидә вәтән сеғиниш һесияти билән норуз өткүзүватқанлиқини баян қилип өтти.

Токйодики бәзи бир уйғурларниң инкас қилишичә, токйо тәвәсидики уйғурлардин җәми 250 кишиниң йиғилиши билән, илгирики йилларға охшашла токйода норуз байрими дағдуғилиқ, шатлиқ ичидә  өткүзүлгән.

Кюшу районидики бир қисим уйғурлар болса аилиләр бойичә йиғилиш елип берип өзлириниң норузға атап язған норузнамә вә шеирлирини өз-ара мушаирә қилишқан.
Биз бу мунасивәт билән бүгүнки кюшу районидики норуз байримини аилиләр бойичә өткүзүшни тәшәббус қилған сорун саһиби доктораспирант мухтарҗан абдурахман билән телефон сөһбити елип бардуқ.

Аваз улинишидин тәпсилатини аңлаң.


Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.