Японийә уйғур җәмийити ясукуни ибадәтханисиниң алдида паалийәт өткүзди

Ихтиярий мухбиримиз қутлуқ
2014.08.15
yaponiye-ilham-mahmut-paaliyet-1.jpg Дуня уйғур қурултийиниң муавин рәиси илһам маһмут әпәнди тәшвиқат варақчилирини тарқатмақта
RFA/Qutluq


Японлар һәр йили авғуст ейиң 13 - күнидин 15 - күнигә қәдәр будда дининиң қаидә - әһкамлири бойичә әрваһларниң роһини күтүвелиш вә узитиштин ибарәт үч күнлүк роһлар байрими өткүзиду.Ата - бовилириниң қәбрисигә берип баш уруп,шам йеқип өз әҗдадлириға болған һөрмитини билдүриду.

15 - Авғуст күни японлар йәнә 2 - дуня уруши ахирилашқанлиқини хатириләйду.

Японларниң бу диний байримидин пайдиланған японийә уйғур җәмийитиниң әзалири дуня уйғур қурултийиниң муавин рәиси илһам маһмутниң йетәкчиликидә 15 - авғуст күни токйодики ясукуни ибадәтханисиниң алдида тәшвиқат варақчилирини тарқатқан. Рәңлик рәсимләр билән бастурулған варақчиларда уйғур елида йеқинда йүз бәргән “йәкән вәқәси”гә охшаш паҗиәлик вәқәләр тоғрисида мәлуматлар берилгән.

Тәшвиқат варақчилирини тарқитиш паалийити әтигән саәт йәттә йеримдин чүштин кейин саәт төткә қәдәр давамлашқан.

Биз мәзкур паалийәт һәққидә толуқ мәлуматқа еришиш үчүн нәқ мәйданға телефон қилип илһам маһмут билән сөһбәт елип бардуқ.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.