“Yawrupa sherqiy türkistan birliki” qurulghinigha 25 yil toldi

Ixtiyariy muxbirimiz ekrem
2015-11-03
Share
yawrupa-sherqiy-turkistan-birliki-yighin-germaniye.jpg Yawrupa sherqiy türkistan birliki teshkilatida ilgiri - kéyin re'islik wezipisini üstige alghan bir qisim Uyghurlar. 2012 - 2013 Yilliri, gérmaniye
RFA/Ekrem


Yawrupadiki tunji Uyghur teshkilati bolghan “Yawrupa sherqiy türkistan birliki” teshkilatining qurulghinigha bu yil 25 yil toldi. Bu 25 yiliq musape gérmaniyede xatirilinish aldida turmaqta.

Yawrupadiki tunji Uyghur teshkilati bolghan “Yawrupa sherqiy türkistan birliki” teshkilati 1990 - yili gérmaniyening myunxén shehiride qurulghan bolup, mezkur teshkilat bu 25 yilliq siyasiy mujadile musapisini daghdugha bilen qutlash üchün jiddiy hazirliqlar élip barmaqta.

“Yawrupa sherqiy türkistan birliki” teshkilati, gérmaniye Uyghur ayallar komitéti we d u q yéqinda élan qilghan birleshme uqturushta tilgha élinishiche, “Yawrupa sherqiy türkistan birliki” teshkilati öz tarixida 1996 - yili qurulghan dunya Uyghur yashliri qurultiyi we 1999 - yili qurulghan sherqiy türkistan (Uyghuristan) milliy qurultiyining wujudqa chiqishigha türtke bolghan hemde 2004 - yili qurulghan, hazirgha qeder chet'ellerdiki Uyghur siyasiy mujadilisining wekillik orgini sanalghan dunya Uyghur qurultiyining qurulushigha töhpiler qoshqan.

Diniy zatlargha ton kiygüzüldi
Diniy zatlargha ton kiygüzüldi

D u q ijra'iye komitéti re'isi dolqun eysa ependi bu toghriliq téximu etrapliq melumat berdi.

“Yawrupa sherqiy türkistan birliki” teshkilatining qurghuchiliridin biri hemde köp qétim re'islik wezipisini üstige alghan d u q ning yawrupa parlaméntidiki wekili eniwerjan ependimu mezkur teshkilatning roligha yuqiri baha berdi.

“Yawrupa sherqiy türkistan birliki” teshkilatining qurghuchiliridin biri we tunji re'isi bolghan erkin aliptékin ependimu bu heqte ziyaritimizni qobul qilip, teshkilat heqqidiki qarashlirini otturigha qoyup ötti.

“Yawrupa sherqiy türkistan birliki” teshkilatining 25 yilliq xatirisi 11 - ayning 14 - , 15 - künliri Uyghur tarixidiki ikki sherqiy türkistan jumhuriyitini xatirilesh bilen birleshtürülgen halda myunxén shehiride qutlinidighan bolup, d u q din igiligen melumatimizgha asaslan'ghanda, pa'aliyetke dunyaning herqaysi elliridiki Uyghur siyasiy zatliri, Uyghur dewasini qollighuchi chet'ellik mutexessis we kishilik hoquq pa'aliyetchiliri, ottura asiya we yawrupadiki Uyghur sen'etkarliri hemde jama'iti bolup köp sanda kishi kélip qatnishidiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet