ئامېرىكا 11 - سېنتەبىر تېررورلۇق ھۇجۇمىنىڭ 6 يىللىقىنى خاتىرىلىدى
2007.09.11
ئامېرىكا خەلقى سەيشەنبە كۈنى، نيۇيورك ، ۋاشىنگتون ۋە پەنسىلۋېنىيا شىتاتلىرىدا خاتىرىلەش مۇراسىمى ئۆتكۈزۈپ، " 11 - سېنتەبىر" تېررورلۇق ۋەقەسىنىڭ 6 يىللىقىنى خاتىرلىدى ھەمدە تېررورلۇق ھۇجۇمىدا قۇربان بولغانلارنى ئەسلىدى.
نيۇيوركتىكى دۇنيا سودا مەركىزىگە يېقىن بىر باغچىدا، 11 - سېنتەبىردە ھاياتىدىن ئايرىلغانلارنىڭ ئائىلە - تاۋاباتلىرى بىلەن ۋەقەدە قۇربان بولغان قۇتقۇزۇش خادىملىرى ئۈچۈن تەزىيە بىلدۈرۈش مۇراسىمى ئۆتكۈزۈلدى. تەزىيە مۇراسىمىدا قازا قىلغانلارنىڭ نام شەرىپى بىر - بىرلەپ ئوقۇلدى.
ئامېرىكا پرېزىدېنتى جورج بۇش، مۇئاۋىن پرېزىدېنت دىك چەينىي ۋە تاشقى ئىشلار مىنىستىر كاندىلىزا رايىس ئاق ساراينىڭ مەيدانىدا قۇربان بولغۇچىلارغا تەزىيە بىلدۈرۈپ سۈكۈتتە تۇردى.
6 يىل ئىلگىرى يۈز بەرگەن 11 - سېنتەبىر ھۇجۇمىدا 3 مىڭغا يېقىن ئادەم ھاياتىدىن ئايرىلغان بولۇپ، نيۇيوركتىكى سودا مەركىزىدە قازا قىلغانلار ئارىسىدا گۆھەر سېيىت ئىسىملىك بىر ئۇيغۇر قىزىمۇ بار ئىدى.
11 - سېنتەبىر تېررورلۇق ۋەقەسىنىڭ ئامېرىكا خەلقىگە قالدۇرغان زەربىسى ئىنتايىن چوڭقۇر بولۇپ ، بۇ ۋەقە ئامېرىكا خەلقىنىڭ تۇرمۇشىنى ئۆزگەرتتى، تېررورچىلارنىڭ ھۇجۇمى يالغۇز ئامېرىكىنىڭ سىياسىتى، ئىقتىسادىدا زور ئۆزگىرىشلەرنى پەيدا قىلىپلا قالماي، پۈتۈن دۇنيانىڭ سىياسىتى ۋە ئىقتىسادىغا ئېغىر زىيانلارنى ئېلىپ كەلدى. (ئەقىدە)
مۇناسىۋەتلىك ماقالىلار
- نىگېرىيىدە بىر خىتاي ئايال ئۆلتۈرۈلدى
- خەلقئارا ساقچى تەشكىلاتى سادام ھۈسەيىننىڭ چوڭ قىزى راغەتنى تۇتۇش بۇيرۇقى چىقاردى
- بەزى دۆلەتلەرنىڭ تېررورچىلىققا قارشى تۇرۇش تەدبىرلىرى مۇساپىرلارنىڭ ھال -كۈنىنى يامانلاشتۇرماقتا
- ئامېرىكىدا ھەربىي بازىغا ھۇجۇم قىلماقچى بولغان 6 نەپەر تېررورچى گۇماندار تۇتۇلدى
- خىتاي دائىرىلىرى پرېزىدېنت بۇشنى تېررورچىلىققا قارشى كۈرەشكە دىنىي تون كىيدۈرۈش بىلەن ئەيىبلىدى
- مۇسۇلمان ئايالنى ھاقارەتلىگەن ئەنگىلىيىلىك سوت ھۆكۈمىگە ئۇچرىدى
- جورجى بۇش ئىمزا قويغان تېررورچىلارنى سوراق قىلىش قانۇنىغا دائىر يېڭى چۈشەنچىلەر
- ئامېرىكا پرېزىدېنتى جورجى بۇش تېررورچىلارنى سوراق قىلىش قانۇنىغا ئىمزا قويدى