Kambudzha padishahining textke olturush murasimida xitaygha qarshi lozunka chiqirildi

Kambudzhaning yéngi padishahi sixamuni shenbe küni pinumpinda textke olturush murasimi ötküzüp, kambudzhaning her qaysi qatlimidiki xelq ammisi bilen körüshti. Padishah sixamuni dadisi sabiq padishah shahzade sixanukning yolida mangidighanliqini bildürgen.

Roytérs axbarat agéntliqining xewer qilishiche, sixamuni murasimda nutuq sözlewatqanda meydandiki tingshighuchilarning biri " rezil jonggo" digen xet yézilghan lozunkini kötirip chiqqan. Bu kishining bildürüshiche, " jonggo söz erkinliki, diniy étiqat erkinliki, kishilik hoquq bolmighan rezil dölet" iken. Xewerlerge qarighanda saqchilar bu kishini neq meydandin élip ketken. Padishah sixamunining nutqi dexli terüzge uchrimighan.

Sabiq kambudzha padishahi sixanukning xitay bilen zich hemkarliqi bar idi. Xitay hökümiti 1970 - yillarda kambudzhani idare qilghan qizil kéxmir hökümitige yardem bérish bilen meshhur bolup, qizil kixmirlar kambudzhada 3 milyon xelqning ölümige sewep bolush bilen eyiplen'gen. Hazirqi kambudzha hökümiti b d t bilen birge qizil kéxmir hökümitidiki emeldarlarning jawapkarliqini sürüshtürüsh yolidiki " urush jinayetchiler sot mehkimisi" qurghan. Kambudzhadiki bezi ammiwi teshkilatlar we shexsler, xitay eyni yillarda qizil kéxmir hökümitining qirghinchiliqini qollighanliqi we uninggha yardem bergenliki üchün kambudzha xelqidin epu sorishi, shundaqla tölem tölep bérishi kérek dep qarighan. Biraq xitay hökümiti yuqiriqi tenqidlerni qet'i ret qilghan. (Erkin)