Афған президенти афғанистанда елип бериливатқан һәрбий һәрикәтләрни тәнқид қилди

2007-06-23
Елхәт
Пикир
Share
Принт

Афғанистан президенти һамид карзай шәнбә күни шималий атлантик окян әһди тәшкилати вә америка һәрбий қисимлири тәрипидин афғанистанда елип бериливатқан һәрбий һәрикәтләрни қаттиқ тәнқид қилди. Хәвәрләргә қариғанда, өткән бир һәптә ичидә афғанистанда елип берилған һәрбий һәрикәтләрдә 90 дин артуқ бигунаһ афған пуқраси өлгән.

Афғанистан президенти кабулда өткүзгән мухбирларни күтивелиш йиғинида":үч күн ичидә шималий атлантик окян әһди тәшкилати вә америка һәрбий қисимлири тәрипидин афғанистанниң урузган вилайтидә елип берилған һәрбий һәрикәт җәрянидила 52 кишиниң өлгәнликини тәкитләп, бу һәрбий һәрикәтләр җәрянида нурғунлиған бигунаһ афған пуқраси өлүватиду. Мән бундин бурун дегәндәк, биз буни қобул қилалмаймиз" дегән.

Афғанистан президенти, афғанситанда елип бериливатқан һәрбий һәрикәтләрниң , афған бихәтәрлик қисимлири билән һәмкарлашқан һалда елип берилмайватқанлиқини тәнқид қилип": мән афғанистандики шималий атлантик окян әһди тәшкилати вә америка қисимлиридин һәрбий һәрикәтләрни афғанистан бихәтәрлик қисимлири билән һәмкарлишип , елип беришини тәләп қилип келиватимән. Лекин миниң бу тәләплирим, диққәткә елинмайватиду. Дегән. Әмма бундин кейин шималий атлантик окян әһди тәшкилати вә америка қисимлири биз улардин тәләп қилған шәкилдә һәрикәт қилиши керәк" дәп тәкитлиди.

Бу арида афғанистандики шималий атлантик окян әһди тәшкилати вә америка һәрбий қисимлири шәнбә күни афғанистан- пакистан чегралирида, 60 нәпәр исянчиниң өлтүрүлгәнликини билдүрди.(Өмәр қанат)

Пикирләр (0)
Share
Толуқ бәт