Afghanistanda 100 din artuq taliban öltürüldi


2007.01.11

Shimaliy atlantik ehdi teshkilatining xadimi peyshenbe küni, nato bilen afghan qoshunlirining birlikte, afghanistanning sherqiy qismidiki taliban küchlirige hujum qozghap, 150 talibanni étip tashlighanliqini bildürdi.

Shimaliy atlantik ehdi teshkilati bayanatchisining éytishiche, afghanistanning sherqidiki paktika ölkiside yüz bergen toqunushtin burun, ikki türküm taliban küchliri pakistandin afghanistan'gha kirgen.

Afghan bilen shimaliy atlantik ehdi teshkilati, taliban küchlirige hawadin we quruqluqtin hujum qozghighan bolup, afghanistan dölet mudapi'e ministirliqining élan qilghan statistikiliq melumatigha qarighanda mezkür hujum dawamida ölgen adem sani 60 qa yétidiken. Emma afghan qoshunliri shuningdek shimaliy atlantik ehdi teshkilatidin yarilan'ghan yaki ölgen adem yoq iken.

Afghanistan hökümiti bilen gherb döletlirining bildürushiche, taliban küchliri pakistanni baza qilghan asasta pa'aliyetler élip barmaqta, biraq pakistan da'iriliri özlirining pütün küchini ishqa sélip, taliban küchlirige zerbe bériwatqanliqini bildürmekte. Pakistan yene, afghanistan bilen chégrilinidighan bir qisim rayonlargha bomba qoyush, qorghan yasash arqiliq taliban küchlirining chégra halqip hujum qozghishining aldini alghanliqini ilgiri sürmekte. (Eqide)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.