Афғанистан президенти кәчүрүм қанунини парламентға қайтурувәтти


2007.03.10

Афғанистан президенти һамит кәрзәй, афғанистан парламенити тәрипидин, өткән 25 йил ичидә афғанистанда йүз бәргән тоқунушларға қатнашқан пүтүн кишиләрниң қилмишлирини кәчүрүм қилиш тоғрисида қобул қилинған, кәчүрүм қанун лайиһисини, өзгәртиш киргүзүш тәлипи билән парламентиға қатурувәтти.

Мәзкур қанун, һөкүмәттики, парламенттдики уруш җинайәтчилирини, тутуш буйруқи чиқрилған талибан рәһбәрлириниң һәмдә афған һөкүмити вә афғанистандики иттипақдаш армийә қисимлириға қарши елип бериливатқан һәрикәтләргә рәһбәрлик қиливатқан афғанистанниң сабиқ баш министири гулбуддин һикмәтяр қатарлиқ кишиләрниң кәчүрүмдин пайдилиниши үчүн шараит яратқан иди.

Афғанистан парламенит тәрипидин қобул қилинған бу қанун, ғәрб дөләтлири һәмдә хәлқара кишилик һоқуқ тәшкилатлириниң тәнқидигә учриған. Әмма афғанситандики сабиқ муҗаһит рәһбәрләрниң қоллуғучилири өткән ай кабулда кәң көләмлик бир намайиш өткүзүп, президент кәрзәйдин кәчүрүм қанунини қобул қилишини тәләп қилған.

Кишилик һоқуқ тәшкилатлири, афғанистан һөкүмитидин, өткән 25 йил ичидә афғанистанда йүз бәргән тоқунушларда нурғун җинайәтләр ишлигән болсиму, пурсәттин пайдилинип нөвәттә, һөкүмәтниң һәр қайси органлириға киривалған кишиләрни енқлап чиқип уларни җазалашини тәләп қилмақта.

Лекин, ройтрис агентлиқиниң билдүрүшичә, афғанистан парламенити әзалириниң көпинчиси, сабиқ коммунист рәһбәрләр, совит әскәрлиригә қарши урушқан бурунқи муҗаһитлар вә сабиқ талибан рәһбәрлиридин тәшкил тапқанлиқи үчүн парламентида уларни җазалаш тоғрисида қанун мақуллитиш мумкин әмәс икән. (Қанат)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.