Талибанлар афғанистанда чәтәллик вә афғанистанлиқлардин болуп 5 кишини гөрүгә еливалған

2007-04-05
Елхәт
Пикир
Share
Принт

Афғанистандики бир өлкә башлиқиниң ейтишичә, талибан милитанлири афғанистанни қайта қуруш программисини ишләватқан икки нәпәр франсийиликни вә улар билән бирликтә хизмәт қиливатқан 3 афғанистанлиқни гөрүгә еливалған.

Ройтерс агентлиқиниң бүгүн бәргән хәвиридә әскәртилишичә, гөрүгә елинған бу кишиләр афғанистанниң ғәрбий җәнубидики бир өлкидә йоқап кәткән. Өлкә башлиқи, 200 нәпәр бихәтәрлик хадимиға буйруқ чүшүрүп, гөрүгә елинған хадимларни дәрһал қутқузушни тәләп қилған.

Талибан милитанлириниң билдүрүшичә, улар гөрүгә елинғучиларни фәрра өлкисидә гөрүгә алған, бири әр, йәнә бири аял болған бу икки франсийилик, франсийидики хәлқара кишилик һоқуқ тәшкилатиниң хизмәтчи хадимлири болуп, мәзкүр тәшкилат мәхсус балилар маарипиға даир хизмәтләрни ишләйдикән.

Афғанистанда йүз бәргән мәзкур гөрүгә елиш вәқәси, афғанистанни қайта қуруш хизмитигә қатнишиватқан чәтәллик мутәхәссисләрниң әндишисини қозғаш билән бирликтә, афған һөкүмитини қаттиқ җиддийликкә салған.

Бундин сирт, талибан қаршилиқ көрсәткүчилири, чаршәнбә күни қәндаһар өлкисидә йол үстигә бомба көмүп партилитиш елип барған, партлашта бир сақчи өлгән вә 7 киши яриланған.

Афғанистанда талибан милитанлириниң қаршилиқ һәрикәтлири күндин - күнгә көпийип, афғанистанни қайта қуруш хизмәтлиригә кашила пәйда қилмақта. (Әқидә)

Пикирләр (0)
Share
Толуқ бәт