Amérika- afghan birleshme armiyisi 30 din artuq taliban militanlirini yoqatti

Amérika we afghan qisimliri, afghanistanning jenubida 35 neper taliban militanini yoqatti.

Roytérs agéntliqi peyshenbe künidiki xewiride, afghanistanning jenubidiki zabul nahiye bashliqi bayanatchisining sözini neqil keltürüp, charshenbe küni kechte xake rayonida élip bérilghan jengde, 30 din artuq taliban militanlirining yoqitilghanliqini bildürdi. Munasiwetlik xadimlar yene, taliban militanlirining afghan armiyisige qayturma hujum qozghighanda, afghan armiyisi amérika eskerlirining küreshchi ayrupilanlirini ishqa sélip yardem bérishini telep qilghan.

Nöwette afghan qisimliridin yarilan'ghanlar yoq diyerlik bolup, charshenbe küni yüz bergen yene bir zorawanliqqa qarshi herikette, ikki neper kanadaliq esker yol üstide partlighan bomba tüpeyli ölgen. Buningdin üch kün ilgiri oxshashla afghanistanning jenubida, 6 neper kanadaliq esker yol üstide partlighan bombida qaza qilghan.

Peyshenbe küni shimaliy atlantik ehdi teshkilati we munasiwetlik herbiy qomandanlar, kanadaning kübek shehiride uchriship, qandaq qilghanda esker menbesi we qoral yétishmeslik mesililirini hel qilghili bolidu dégen mesile üstide muzakire élip baridiken. (Eqide)