Афғанистанда елип берилған өзини өлтүрүвелиш характерлик һуҗумда 12 киши өлди


2007.04.14
Share on WhatsApp
Share on WhatsApp

Афғанистанда қайтидин тәшкиллинип, афған бихәтәрлик қисимлири вә афғанистандики иттипақдаш армийә қисимлириға қаратқан һуҗумлирини күчәйткән талибан қалдуқлири, һуҗумлирида техиму көп ирақтики қаршилашқучи күчләр ишлитиватқан тактикиларни ишлитишкә башлиди. Дегәндәк афғанистанда талибан қалдуқлири тәрипидин елип берилған өзини өлтүрүвелиш характерлик һуҗумларниң сани күнсери көпәймәктә.

Шәнбә күни талибан қалдуқлири тәрипидин афғанистанниң шәрқий райониға җайлашқан хост шәһиридики бир сақчи идарисиниң алдида елип берилған өзини өлтүрүвелиш характерлик һуҗумда аз дегәндә 12 киши өлгән болуп, өлгәнләрниң 8 и сақчи хадими икән. Афғанистан даирилириниң хәвәр қилишичә, һуҗумда нурғунлиған киши яриланған.

Пакистан мәтбуатиниң хәвәр қилишичә, талибанлар 4‏-айниң 12‏-күни бир синалғу линтиси тарқатқан болуп, бу синалғу лентисида өткән ай пакистанниң җәнубий вәзиристан районида талибанлар тәрипидин америка вә пакистан һөкүмитигә ишпийонлуқ қилған дәп әйиблинип өлтүрүлгән қари ғулам нәби вә бәзи кишиләрниң, каллисиниң елиниши көрситилгән. (Қанат)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.