Afghanistanda élip bérilghan özini öltürüwélish xaraktérlik hujumda 12 kishi öldi

Afghanistanda qaytidin teshkillinip, afghan bixeterlik qisimliri we afghanistandiki ittipaqdash armiye qisimlirigha qaratqan hujumlirini kücheytken taliban qalduqliri, hujumlirida téximu köp iraqtiki qarshilashquchi küchler ishlitiwatqan taktikilarni ishlitishke bashlidi. Dégendek afghanistanda taliban qalduqliri teripidin élip bérilghan özini öltürüwélish xaraktérlik hujumlarning sani künséri köpeymekte.

Shenbe küni taliban qalduqliri teripidin afghanistanning sherqiy rayonigha jaylashqan xost shehiridiki bir saqchi idarisining aldida élip bérilghan özini öltürüwélish xaraktérlik hujumda az dégende 12 kishi ölgen bolup, ölgenlerning 8 i saqchi xadimi iken. Afghanistan da'irilirining xewer qilishiche, hujumda nurghunlighan kishi yarilan'ghan.

Pakistan metbu'atining xewer qilishiche, talibanlar 4‏-ayning 12‏-küni bir sin'alghu lintisi tarqatqan bolup, bu sin'alghu léntisida ötken ay pakistanning jenubiy weziristan rayonida talibanlar teripidin amérika we pakistan hökümitige ishpiyonluq qilghan dep eyiblinip öltürülgen qari ghulam nebi we bezi kishilerning, kallisining élinishi körsitilgen. (Qanat)