Pakistan - afghanistan chégra éghizida toqunush köpeymekte

• 
  2006-04-06

Pakistan da'iriliri peyshenbe küni afghanistan-pakistan chégra rayonidiki qebililerni, mezkur rayonda yüz bergen qattiq toqunushlarda ölgen militanlarning kimlikini éniqlashqa yardem qilishqa chaqirdi. Pakistan hökümet xadimlirining bildürüshiche, toqunushlarda 40 artuq kishi ölgen.

Amérika birleshme agténtliqining xewer qilishiche, pakistan armiyisi hazirghiche toqunushta ölgen sekkiz militanning jesitini rayon xelqighe körsetken.

Toqunushlar charshenbe küni militanlarning afghanistan chégrisi yéqinidiki shimaliy weziristan rayonidiki bir herbiy bazigha hujum qilishi bilen bashlan'ghan.

Charshenbe küni pakistan armiyisi toqunushlarda 16 militan we 4 pakistan eskirining ölgenlikini bildürgen idi. Emma bügün pakistan qebililer rayoni idarisining bashliqi toqunushlarda 40 etrapida militanning ölgenlikini jakarlidi.

Xewerlerge qarighanda, bir nechche heptidin béri, rayonda pakistan qoralliq qisimliri bilen taliban qalduqliri we ularning rayondiki qollighuchiliri otturisida toqunushlar köpeymekte. (Eqide)