Rusiye, kafkaziyidiki döletlerni amérika bilen hemkarlashmasliq toghrisida agahlandurdi


2007-03-10
Share

Rusiye hökümiti jüme küni kafkaziye rayonidiki sabiq sowét jumhuriyetlirini, amérika bilen bashqurulidighan bombidin mudapi'elinish sistémisi mesiliside hemkarlashmasliq toghrisida agahlandurdi.

Rusiye tashqi ishlar minsitirliqining bayanatchisi mixa'il kaminin, bu munasiwet bilen élan qilghan bayanatida, rayondiki döletlerning hetta amérikining bashqurulidighan bombidin mudapi'elinish sistémisini öz tupriqida orunlashturushni oylishishmu, rusiye bilen bolghan munasiwetlirining buzulushigha seweb bolidu, dégen.

Roytris agéntliqining xewer qilishiche, rusiye we amérika ottura asiya we kafkaziye rayondiki sabiq sowit jumhuriyetliride özining tesir da'irisini kéngeytish üchün riqabetleshmekte.

Amérika hökümiti, radar istansiliri we bashqurulidighan bombini tosaydighan rakitilardin teshkil tapqan, bashqurulidighan bombidin mudapi'elinish sistémisini qurush, térrorchilar we térrorchilargha yardem bériwatqan döletler teripidin qoyup bérilidighan rakitalarni tosashni meqset qilidu, deydu. Lékin, rusiye bu mudapi'elinish sistémisining kafkaziye we ottura asiya rayonigha orunlashturulushigha qarshi chiqmaqta.

Amérika bashqurulidighan bombidin mudapi'elinish idarisi, bu ayning bashlirida, yawrupagha bashqurulidighan bombidin mudapi'elinish sistémisi orunlashturush pro grammisi boyiche, kafkaziyidiki bir döletkimu bu mudapi'e sistémisini orunlashturushni xalaydighanliqini bildürgen idi.

Amérikining mezkur mudapi'e sistémisini özining milliy bixeterliki üchün bir tehdit dep qarighan rusiye, bu sistémigha mewjut qorallar we kelgüside yasap chiqidighan qorallar bilen qarshi turidighanliqini bildürmekte. (Qanat)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet