Gérmaniye xitayning gherbiy rayonlirida eydiz wirosidin mudapi'elinish ishlirigha yardem qildi
2004.11.29
Xitayning shinxu'a agéntliqining xewer qilishiche, gé'irmaniye hökümiti düshenbe küni xitay hökümiti bilen iqtisadiy ehwali nachar bolghan xitayning gherbiy rayonlirida eydiz késilining aldini ilish we eydiz késellirini dawalashta ishlitish üchün 7 milyon yawro pul bérish toghrisida bir kélishim imzalighan.
Xewerde éytilishiche, girmaniye hökümiti yene xitayning gherbiy rayonida doxturxana we yuqumluq késelliklerning aldini ilish merkezliri qurush ishida ishlitish üchün xitay hökümitige 42 milyon 350 ming yawro qerz pul béridiken.
Xitay maliye ministirliki bayanatchisining bildürüshiche, xitay hökümiti ilghar tibbiy téxnika sétiwélish we idare qilish usulliri öginish üchün chet döletlerdin köp miqdarda pul yardimi alghan. Uning éytishiche, peqet gérmaniyila xitaydiki saqliqni saqlash ishlirida ishlitish üchün yardem we qerz pul bolup, hazirghiche xitay hökümitige 177 milyon yawrogha yéqin pul bergen.
Uyghur aptonom rayoni eydiz wirosi eng tiz tarqiliwatqan rayonlarning biri. Gerche gérmaniye qatarliq gherb döletliri xitayning gherbiy rayonlirida eydiz késilining tarqilishining aldini ilish we eydiz wirosi bilen yuqumlan'ghanlarni dawalash üchün nurghunlighan miqdarda pul yardimi bériwatqan bolsimu, emma bu pulning qanchilik qismining Uyghur élide ishlitiliwatqanliqi melum emes.
Bezi xewerlerge qarighanda, hökümet bu pullarning bir qismini eydiz wirosi bilen yuqumlan'ghanlarni dawalash üchün emes, asasen eydiz wirosidin mudapi'elinish teshwiqatliri üchün ishletmekte. (Qanat)
Munasiwetlik maqalilar
- Awstraliye Uyghur élide eydiz késilining aldini élish xizmiti élip barmaqchi
- Uyghur élidiki eydiz késili we zeherlik chékimlik
- Uyghur élide eydiz wirosi bilen yuqumlan'ghanlarning sani téz ashmaqta
- Uyghur rayonida eydiz wirosi bilen yuqumlan'ghanlar köpeymekte
- Xitay we Uyghur rayonidiki eydiz yétimliri heqqide
- Uyghur rayonidiki ayallarning eydiz kisilige giriptar bolishi we uning aldini élish heqqide
- Uyghur rayonidiki hamildar ayallar we ulardin tughulghan eydiz bowaqlar
- Doktor muhemmet imin ependi bilen eydiz heqqide söhbet