Her qaysi döletler "dunya eydiz küni" ni xatirilidi


2004.12.01
Share on WhatsApp
Share on WhatsApp

worldaids_200.jpg
Hisdintandiki shakti wahini namliq ammiwiy grup dunya eydiz küni harpisida yéngi déhlida sham yandurush pa'aliyiti ötküzdi.AFP Resimi

1 - Dikabir dunya eydiz küni munasiwiti bilen dunyaning her qaysi jaylirida oxshash bolmighan shekillerde xatirilesh pa'aliyetliri ötküzüldi. B d t ning alaqidar tarmaqlirining istatistikilirgiha qarighanda, nöwette pütün dunyada 45 milyon kishi eydiz wérosi bilen yuqumlan'ghan bolup, bularning yérimi digüdek ayallar iken. Peqet asiya qit'esidila bu yil 540 mingdin artuq adem eydiz késili bilen ölgen.

Chet'el metbu'atlirining xewer qilishiche, xitay hökümitimu bu yil dunya eydiz künini daghdugha bilen xatiriligen. Xitay rehberliri her qaysi derijilik hökümet emeldarlirining eydiz késili heqqidiki sawatlarni üginishini telep qilghan.

Xitay hökümiti yene dunya eydiz küni munasiwiti bilen xitaydiki eydiz weziyiti heqqide doklat élan qilip, bu yil eydiz késilige giriptar bolghanlarning ötken yilqidin ikki hesse köp ikenlikini, jinisiy alaqe arqiliq yuqumlinish nisbitining téz kötüriliwatqanliqini bildürdi. Xitay hökümiti doklatida yene, eydiz wirosining zeherlik chikimlik chekküchiler, pahishler qatarliq xeterlik kishiler topidin adettiki puqralargha yuqushqa yüzliniwatqanliqini körsetti.

Xitay da'iriliri xitayda eydiz wirosi bilen yuqumlan'ghuchilar sanining 840 ming ikenlikini bildürmekte. Biraq b d t ning eydiz mutexessisliri xitayni agahlandurup, eger derhal ünümlük tedbir qollanmisa, xitaydiki eydiz wirosi bilen yuqumlan'ghuchilar sanining 2010 - yiligha barghanda 10 milyon'gha yétishi mumkinlikini körsetmekte. (Arzu)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.