Б д т доклатида, хитайниң әйдиз кесилиниң алдини елиш тәдбирлириниң кәмчилликини әйиблиди

1 - Дикабир дуня әйдиз күни йетип келишниң һарписида, бирләшкән дөләтләр тәшкилати дүшәнбә күни 2005 - йиллиқ әйдиз кесәллик әһвали һәққидә доклат елан қилип, хитайниң әйдиз кесилиниң тарқилишиниң алдини елиш җәһәттики тиришчанлиқлириниң йетәрсиз болуватқанлиқини тәнқидлиди.

Мәзкур доклатта көрситилишичә, хитай 2003 - йили гәрчә әйдиз бимарлирини зөрүр дора вә давалиниш пурсити билән тәминләйдиғанлиқи һәққидә вәдә бәргән болсиму, әмма бу җәһәттики тиришчанлиқлири йетәрсиз болған.

2005 - Йили 6 - айғичә, хитайниң 28 өлкисидә аран 20 миңдәк кишиләр әйдизниң дорилириға еришкән. Һалбуки, хитайниң статестикиси бойичә ейтқандиму, һәр қайси җайларда әйдиз вируси билән юқумланған кишиләрниң сани 840 миңдин ашидиған болуп, буниң ичидә әйдиз кесилигә гириптар болғанларниң сани 80 миңдин ашиду.

Доклатта көрситилишичә, нөвәттә хитайниң һәммә өлкилиридә әйдиз вирусиға гириптар болғанлар бар. Буниң ичидә йүннән, хенән вә гуаңшида һәммидин көп. Әйдиз вирусиниң тез тарқилишини кәлтүрүп чиқириватқан сәвәбләр арисида, томурдин зәһәрлик чикимлик уруш вә қалаймиқан җинисий мунасивәт өткүзүш асаслиқ орунда туриду.

Буниңдин сирт, доклатта йәнә тайландниң әйдиз гә тақабил туруш җәһәттә бир қисим нәтиҗиләрни қолға кәлтүргәнлики, яш қорамиға йәткәнләр арисида әйдиз вируси билән юқумланғанларниң саниниң илгирикидин төвәнлигәнлики көрситилгән. (Арзу)