B d t doklatida, xitayning eydiz késilining aldini élish tedbirlirining kemchillikini eyiblidi


2005-11-21
Share

1 - Dikabir dunya eydiz küni yétip kélishning harpisida, birleshken döletler teshkilati düshenbe küni 2005 - yilliq eydiz késellik ehwali heqqide doklat élan qilip, xitayning eydiz késilining tarqilishining aldini élish jehettiki tirishchanliqlirining yétersiz boluwatqanliqini tenqidlidi.

Mezkur doklatta körsitilishiche, xitay 2003 - yili gerche eydiz bimarlirini zörür dora we dawalinish pursiti bilen teminleydighanliqi heqqide wede bergen bolsimu, emma bu jehettiki tirishchanliqliri yétersiz bolghan.

2005 - Yili 6 - ayghiche, xitayning 28 ölkiside aran 20 mingdek kishiler eydizning dorilirigha érishken. Halbuki, xitayning statéstikisi boyiche éytqandimu, her qaysi jaylarda eydiz wirusi bilen yuqumlan'ghan kishilerning sani 840 mingdin ashidighan bolup, buning ichide eydiz késilige giriptar bolghanlarning sani 80 mingdin ashidu.

Doklatta körsitilishiche, nöwette xitayning hemme ölkiliride eydiz wirusigha giriptar bolghanlar bar. Buning ichide yünnen, xénen we gu'angshida hemmidin köp. Eydiz wirusining téz tarqilishini keltürüp chiqiriwatqan sewebler arisida, tomurdin zeherlik chikimlik urush we qalaymiqan jinisiy munasiwet ötküzüsh asasliq orunda turidu.

Buningdin sirt, doklatta yene taylandning eydiz ge taqabil turush jehette bir qisim netijilerni qolgha keltürgenliki, yash qoramigha yetkenler arisida eydiz wirusi bilen yuqumlan'ghanlarning sanining ilgirikidin töwenligenliki körsitilgen. (Arzu)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet