Хитай вә хоңкоңлуқ мутәхәссисләр әйдиз вирусииға қарши ваксина ишләпчиқириш үстидә изләнмәктә


2008.01.21

Хитай вә хоңкоңлуқ мутәхәссисләр, һазир хитай , тәйвән вә хоңкоңда әвҗ еливатқан үч хил типлиқ әйдиз вирусииниң үч хил типиға қарши ваксина ишләпчиқириш үстидә излинишкә башлиди.

Ройтерста көрситишичә, хоңкоң әйдиз тәтқиқат җәмийитиниң директори чен җивей, әйдиз вирусниң хитайда һаләт өзгириши вә җуғрапийилик тарқилиш әһвали үстидин генниң өзгириши буйичә из қоғлап тәкшүрүш елип бериватқан икән.

Хәвәрдә көрситишичә, хитайда һазир әйдиз кесили зәһәр чәккүчиләр окул йиңнисини ортақ ишлитиш вә қалаймиқан җинси мунасвәт қилиш арқилиқ әң көп тариливатқан болуп, булар асасән уйғур или, гуаңдуң , йүннән вә гуаңшиларға таралған икән.

Чен илгири америкилиқ даңлиқ әйдизшунас алим давид ху билән биргә ишлигән болуп, униң билдүрүшичә, һазир америка вә хитай алимлири бирликтә хитайда һазир зәһәр чекиш арқилиқ юқидиған әйдизниң икки хил вариянтиға қарши бир хил ваксина үстидә издиниватқан болуп, улар бу ваксинини келәр йили һайванатлар үстидә синақ қилидикән.

Чен йәнә, хитайда йәнә җинисй мунасвәт йоли билән кәң тариливатқан әйдиз вирусиниң үчинчи вариянтиға нисбәтән бу хил ваксининиң тәсири үстидә тохтилип, әйдиз вирусиға қарши турушта, ваксинидин көрә алдини елиш тәдбирлириниң техиму үнүмлүк икәнликини тәкитлигән.

Униң билдүрүшичә, 2006- йилда хитайда әйдиз вируси қалаймиқан җинсий мунасвәт қилиш йоли билән әң коп таралған болуп, һазир бу хил вирусниң тарқилиши адәттики кишиләр топиғичә, һәтта анидин балиға юқуш дәриҗисигә йәткән.

Хитай ахбарат органлириниң хәвиригә қариғанда, 2005- йили 9- айдин 2006- йили 9- айғичә йеңидин 6000 адәм әйдиз вируси билән юқумланған болуп күнигә 17 адәмдин тоғра кәлгән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.