Хитай русийә билән марсни тәкшүрүштә һәмкарлишиш келишими түзгәндин кейин,әмди аләм бошлуқида қорал- ишлитишни мәний қилишни тәкитлимәктә

Ройтрс агенетлиқиниң 28 ‏- март күни бейҗиңдин хәвәр қилишичә, хитай рәиси ху җинтав 26 ‏- март күни русийини зиярәт қилиш җәрянида, русийә президенти виладимир путин билән 2009 ‏- йили аләм бошлуқида марсни тәкшүрүш вә айға чиқишта һәмкарлишиш келишими имзалиғандин кейин, әмди мунасивәтлик дөләтләрни аләм бошлуқида қорал ишлитишни мәний қилиш келишими түзүшкә чақирған.

Хәвәрдә баян қилинишичә, аләм бошлуқи техникисини қоллиниш җәһәттә русийә көп тәҗрибигә игә. Әмма хитай бу саһәгә техи йеқинда қәдәм басти. Хитай техи 2003 ‏- йилида аләм бошлуқиға адәм чиқирип, америка вә русийидин қалса, аләм бошлуқиға адәм чиқарған үчинчи дөләт болуп қалған иди. Йеқинда америка марсни тәкшүрүшни пиланлиғандин кейин, хитай сүний һәмраһни пачақлайдиған башқурулидиған бомба синақ қилип, хәлқара җәмийәтниң әйиблишигә учриған иди. Һазир хәлқара җәмийәт хитайниң һәрбий хамчотиниң һәдәп ашурулуватқанлиқиқа суал қоюватқанда, хитайниң һазир "аләм бошлуқида қорал ишлитишни мәний қилиш келишими түзүш" ни тәкитләватқанлиқи , хитайниң йәнә қандақтур бирәр мәсилидин әндишә қиливатқандин дерәк бериду. (Вәли)