Президент җорҗ буш ахирқи явропа сәпирини башлиди

Америка президенти җорҗ буш америка - явропа әллири алий рәһбәрләр йиғиниға қатнишиш үчүн, дүшәнбә күни әтигәндә андрев һава армийә базисидин йолға чиққан болуп, бу президент бушниң вәзипә өтәш җәрянидики ахирқи явропа сәпири болуп һесаблиниду.
Мухбиримиз җүмә хәвири
2008.06.09

 Мәлум болишчә, бушниң бу нөвәтлик явропа сәпири 10 - июндин 16 ‏ - июнғичә елип берилидиған болуп, буш алди билән словенийидә өткүзилидиған америка - явропа әллири алий рәһбәрләр учришишиға қатнишип, андин кейин германийә, италийә, ватикан, франсийә әнгилийә, белфаст вә шималий ирландийиләрдә зиярәттә болидикән.

Хәвәрләргә қариғанда, бушниң бу нөвәтлик явропа сәпириниң асаслиқ мәқсити болса, америка иқтисадини илгири сүрүш, афғанистан һәмдә ирақ бихәтәрлики үчүн явропадин ярдәм издәш болуп, франсийә агентлиқиниң нәқил елип көрситишичә, ақ сарайдин йолға чиқиш алдида президент буш бу нөвәтлик явропа сәпири һәққидә тохтилип өзиниң йәнә, америкиниң долларниң қудритини сақлап қелиштики тиришчанлиқи һәққидә тохтилидиғанлиқини билдүргән вә : " долларниң қиммити юқири болуши дөлитимизниң мәнпәәти һәмдә дуня иқтисадиниң мәнпәәтигә пайдилиқ" дегән.

Әмма, президент бушниң бу нөвәтлик явропа сәпириниң күткәндәк нәтиҗилик болмайдиғанлиқи һәққидә гуманий қарашларму мәйданға келиватқан болуп, франсийә агентлиқида көрситилишичә, америка дөләт бихәтәрлики мәслиһәтчиси стефен һадлей, бушниң бу нөвәтлик сәпәрдә алаһидә келишимләрниң һасил қилинишидин зор үмид күтмәйдиғанлиқини билдүргән.
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.