Prézidént jorj bush axirqi yawropa sepirini bashlidi

Amérika prézidénti jorj bush amérika - yawropa elliri aliy rehberler yighinigha qatnishish üchün, düshenbe küni etigende andréw hawa armiye bazisidin yolgha chiqqan bolup, bu prézidént bushning wezipe ötesh jeryanidiki axirqi yawropa sepiri bolup hésablinidu.
Muxbirimiz jüme xewiri
2008.06.09
Share on WhatsApp
Share on WhatsApp

 Melum bolishche, bushning bu nöwetlik yawropa sepiri 10 - iyundin 16 ‏ - iyun'ghiche élip bérilidighan bolup, bush aldi bilen slowéniyide ötküzilidighan amérika - yawropa elliri aliy rehberler uchrishishigha qatniship, andin kéyin gérmaniye, italiye, watikan, fransiye en'giliye, bélfast we shimaliy irlandiyilerde ziyarette bolidiken.

Xewerlerge qarighanda, bushning bu nöwetlik yawropa sepirining asasliq meqsiti bolsa, amérika iqtisadini ilgiri sürüsh, afghanistan hemde iraq bixeterliki üchün yawropadin yardem izdesh bolup, fransiye agéntliqining neqil élip körsitishiche, aq saraydin yolgha chiqish aldida prézidént bush bu nöwetlik yawropa sepiri heqqide toxtilip özining yene, amérikining dollarning qudritini saqlap qélishtiki tirishchanliqi heqqide toxtilidighanliqini bildürgen we : " dollarning qimmiti yuqiri bolushi dölitimizning menpe'eti hemde dunya iqtisadining menpe'etige paydiliq" dégen.

Emma, prézidént bushning bu nöwetlik yawropa sepirining kütkendek netijilik bolmaydighanliqi heqqide gumaniy qarashlarmu meydan'gha kéliwatqan bolup, fransiye agéntliqida körsitilishiche, amérika dölet bixeterliki meslihetchisi stéfén hadléy, bushning bu nöwetlik seperde alahide kélishimlerning hasil qilinishidin zor ümid kütmeydighanliqini bildürgen.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet