Amérika atmosféraning sirtida heriket qilidighan yéngi herbiy qoral yasimaqta

Amérika dölet mudapi'e ministirliqi kelgüside yüz bergüsi urushning éhtiyajigha maslishish üchün, atmosféraning sirtida heriket qilidighan herbiy qoral we uchur séstimisini tereqqi qildurushqa kirishti.

B b s ning bayan qilishiche, amérika dölet mejlisining 459 milyard amérika dolliriliq dölet mudapi'e xamchotidiki yéngiche herbiy qoral türliri ichide 'falkon' namliq awazdin téz eng yuqiri sür'etlik alem uchqusi pilani eng muhim noqta. Bu xil uchqu atmosféraning sirtida awazdin alte hesse téz sür'et bilen heriket qilalaydu we 12 ming put éghirliqtiki partlatquch bombini yüklep uchup, dunyaning her qandaq yéridiki nishanni bombardiman qilalaydu.

Xewerde bayan qilinishiche, amérikining yéngiche herbiy qorallarni tereqqi qildurushqa kirishkenliki lükchek döletlerning tehditige we alem boshluqidiki sün'iy hemrahni pachaqliyalaydighan xitaygha taqabil turush üchün, yer yüzidiki jeng meydanini alem boshluqigha yötkeshni meqset qilidu.

Amérika hazir, iraq we awghanistanlardiki jeng meydanlirigha emes, alem boshluqidiki kelgüsi jeng meydanlirigha köz tikmekte. Amérika dölet mudapi'e ministirliqining yéngi qorallarni sinaq qilish idarisidiki xizmetchilerning ashkarilishiche, amérika bu xil yéngi qoralini kéler yili sinaq qilidu. (Weli)