Amérikining mexpiy tutup turush orunliri barliqi heqqidiki xewer xelq'araning diqqitini tartmaqta


2005-11-03
Share

Amérikining köp döletlerde el - qayde teshkilati ezaliri we térrorluq gumandarlirini mexpiy tutup turush orunliri barliqi heqqidiki xewer xelq'araning diqqet étibarini tartmaqta.

Amérikidiki dangliq " washin'gton pochta géziti" charshenbe küni amérika merkizi axbarat idarisining bashqa döletlerde qurghan, el qayde teshkilatining ezalirini mexpiy tutup turush we soraq qilish orunliri barliqini xewer qilghan idi.

Xewerning amérikining wezipe ötewatqan we wezipisidin ayrilghan axbarat xadimlirining sözini neqil keltürüshiche, bu tutup turush orunliri 11 - sintebir weqesidin kéyin, amérika bilen munasiwiti yaxshi bolghan sekkiz dölette qurulghan. Bu orunlarda jem'iy 100 din artuq mehbus bar iken.

En'giliye b b s radi'o- téléwiziyisining bildürüshiche, xewer élan qilin'ghandin kéyin, xelq'ara qizil krést jem'iyiti, amérika tutup turiwatqan térrorluq gumandarlirining weziyitige intayin köngül böliwatqanliqini we bu tutqunlar bilen biwaste körüshüshni ümid qilidighanliqini bildürgen.

Amérika hökümiti bolsa, bu xewerge baha bérishni ret qildi. Amérika prézidétining bixeterlik ishliri meslihetchisi, axbarat xizmiti heqqide pozitsiye bildürmeydighanliqini éytqan. Emma u amérika prézidéntining ezeldin , amérikining qiyin - qistaq wastilirini qollanmaydighanliqi we xelq'ara qanun belgilimilerge ri'aye qilidighanliqini éniq tekitlep kéliwatqanliqini körsetken. (Arzu)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet