Америка дөләт мәҗлисигә хитайдин импорт қилинидиған таварларға чегра беҗини юқирилитиш җазаси қоллиниш тәклипи берилди


2007-11-16
Share

15- Ноябир, пәйшәнбә күни, америка қошма штатлириниң хитай иқтисад вә бихәтәрлик комитети, хитайниң , експорт маллириниң тәннәрқини төвәнлитиш үчүн хитай пулиниң алмаштуруш қиммитини қаттиқ тизгинләп кәлгәнликини әйибләп, хитайдин америкиға төкмә болуп кириватқан хитай маллириға қарита қоюлидиған чегра беҗини юқирилитиш җазаси қоллиниш тәклипини бәрди.

Франсийә агентлиқиниң көрситишичә, америка қошма штатлириниң хитай иқтисад вә бихәтәрлик комитети америка дөләт мәҗлисигә сунған доклатида, америка дөләт мәҗлиси, валйота (пул оборотидики пул) ни тизгинләшни испирт мәһсулатлириға берилгән қанунсиз ярдәм дәп тонуйдиған бир қанун мақуллиши керәкликини тәләп қилған иди.

Америка дөләт мәҗлис хили узундин бери, америка һөкүмитигә, валйота (пул оборотидики пул) ни тизгинләп кәлгән дөләтләр устидин валютани әркин қоюветиши үчүн бесим ишлитәләйдиған яки иқтисади җаза қоллиналайдиған һоқуқ беридиған бир қанун мақуллашни ойлишип келиватқан һәмдә америка малийә министирлиқидин валйота оюни ойниған дөләтләргә җаза қоллинишни тәләп қилип келиватқан иди.

Хәвәрдә нәқил қилинишичә, америка қошма штатлириниң хитай иқтисад вә бихәтәрлик комитетиниң рәиси каролйн бартһоломев, експорт маллириға дөләт қошумчә ярдәм бериш қилмишини әркин базар принсипини дәпсәндә қилғанлиқ дәп тонуйдиғанлиқини көрситип: " бу йәрдә шуниңға диққәт қилишқа әрзийдуки, хитай мәккарлиқ билән експорт үстүнлүкини игиләш үчүн валйотасиниң қиммитини изчил тизгинләп кәлмәктә" деди

Хитай һөкүмити өз валйотасиниң алмаштуруш қиммитини тизгинләп, адаләтсиз сода риқабити шәкилләндүргәнлики үчүн, илгири америка қошма штатлири хитай үстидин дуня сода тәшкилатиға әрз сунған иди. (Җүмә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт