Amérika dölet mejlisige xitaydin import qilinidighan tawarlargha chégra béjini yuqirilitish jazasi qollinish teklipi bérildi

15- Noyabir, peyshenbe küni, amérika qoshma shtatlirining xitay iqtisad we bixeterlik komitéti, xitayning , éksport mallirining tennerqini töwenlitish üchün xitay pulining almashturush qimmitini qattiq tizginlep kelgenlikini eyiblep, xitaydin amérikigha tökme bolup kiriwatqan xitay mallirigha qarita qoyulidighan chégra béjini yuqirilitish jazasi qollinish teklipini berdi.

Fransiye agéntliqining körsitishiche, amérika qoshma shtatlirining xitay iqtisad we bixeterlik komitéti amérika dölet mejlisige sun'ghan doklatida, amérika dölet mejlisi, walyota (pul oborotidiki pul) ni tizginleshni ispirt mehsulatlirigha bérilgen qanunsiz yardem dep tonuydighan bir qanun maqullishi kéreklikini telep qilghan idi.

Amérika dölet mejlis xili uzundin béri, amérika hökümitige, walyota (pul oborotidiki pul) ni tizginlep kelgen döletler ustidin walyutani erkin qoyuwétishi üchün bésim ishliteleydighan yaki iqtisadi jaza qollinalaydighan hoquq béridighan bir qanun maqullashni oyliship kéliwatqan hemde amérika maliye ministirliqidin walyota oyuni oynighan döletlerge jaza qollinishni telep qilip kéliwatqan idi.

Xewerde neqil qilinishiche, amérika qoshma shtatlirining xitay iqtisad we bixeterlik komitétining re'isi karolyn bartholoméw, éksport mallirigha dölet qoshumche yardem bérish qilmishini erkin bazar prinsipini depsende qilghanliq dep tonuydighanliqini körsitip: " bu yerde shuninggha diqqet qilishqa erziyduki, xitay mekkarliq bilen éksport üstünlükini igilesh üchün walyotasining qimmitini izchil tizginlep kelmekte" dédi

Xitay hökümiti öz walyotasining almashturush qimmitini tizginlep, adaletsiz soda riqabiti shekillendürgenliki üchün, ilgiri amérika qoshma shtatliri xitay üstidin dunya soda teshkilatigha erz sun'ghan idi. (Jüme)

Buni bésish arqiliq, pikringizni yézing

• Print
• Hembehr
• Ewetish

Barliq pikir - bayanlarni körüsh.

• Bügünki anglitish
• Ilgiriki anglitishlar