Générali wilyam falon: iran yadro mesilisini söhbet arqiliq bir terep qilishni xalaymen


2007-04-24
Share

Amérika merkizi qomandanliq shtabining re'isi déngiz armiye générali wilyam falon, amérikining iran bilen jidel chiqirish niyiti yoqliqini, iran yadro mesilisini söhbet arqiliq bir terep qilishni xalaydighanliqini bildürdi.

Général wilyam falon seyshenbe küni birleshme ereb xelipilikide muxbirlargha bergen bayanatida "men iran'gha hujum pilanlashqa emes, iranliqlar bilen söhbet ötküzüshke qiziqimen" dégen.

Amérikining iran'gha qarshi herbiy heriket élip bérish üchün teyyarliniwatqanliqi toghrisida yéqinda metbu'atta chiqqan xewerler bolupmu, pars qoltughidiki amérikining ittipaqdishi bolghan ereb döletlirini qayghulandurghan bolup, ular bayanatlar élan qilip, bundaq bir hujumda amérika bilen hemkarlashmaydighanliqini tektlimekte.

Ötken ay amérikining pars qoltughidiki eng yéqin ittipaqdishi hésablan'ghan qatarning bash minstiri sheyx hamid bin jasim bin jebir eltani, qatar hökümiti, qatar zéminining iran'gha qarshi hujum üchün ishlitilishige qet'iy yol qoymaydu dep jakarlighan.

Franisye agéntliqining bu heqte bergen xewiride, amérika merkizi qomandanliq bash shtabining re'isi général wilyam falonning bayanatining pars qoltughi rayonidiki döletlerning endishisini peseytishni meqset qilghan bolushi mumkinliqi ilgiri sürülgen. (Ömer qanat)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet