Amérikidek sana'etleshken bay dölettiki namratliq mesilisi qaytidin kishilerning diqqet- étibarini qozghimaqta


2007.08.29

Amérika fédéral statistika idarisining yéqinda élan qilghan sanliq melumatlirigha qarighanda, 2006 ‏- yili amérikida her bir a'ilining ottura hésab bilen yilliq kirimi 48 ming 200 amérika dollirigha toghra kelgen. Irq buyiche ayrip hésablighanda, aq tenlik amérikiliqlarning 50 ming 700 amérika dolliridin , asiyaliq amérikiliqlarning 64 ming amérika dolliridin, latin amérikisiliq amérikiliqlarning 52 ming 400 amérika dolliridin, qara tenlik amérikiliqlarning 37 ming amérika dolliridin toghra kélidu.

Amérika fédéral statistika idarisi yéqinda yene, amérikida pul paxalliqi yüz bérish mumkinlikini ret qilghandin kéyin, amérikida 4 nopusluq a'ilining yilliq kirimi 26 ming 140 dollardin töwen bolsa, 3 nopusluq a'ilining yilliq kirimi 16 ming 79 amérika dolliridin töwen bolsa, 2 nopusluq a'ilining yilliq kirimi 13 ming 167 amérika dolliridin töwen bolsa, boytaqning yilliq kirimi 10 ming 294 amérika dolliridin töwen bolsa namrat dep hésablinidu dep muqimlidi.

Gerche amérikida 2006 ‏- yili namratlarning sani ilgiriki bir yilgha qarighanda töwenligen bolsimu, emma hazirqi mushu ölchem buyiche amérikida yene 30 milyon adem namratliqta yashaydu. Yene 47 milyon ademning dawalinish sughurtisi yoq.

Amérika awazining xewer qilishiche, amérikida ahalilarning kirimi we dawalinish sughurtisi heqqidiki sanliq melumatlar ötken heptide élan qilin'ghandin kéyin, amérikidek bundaq sana'etleshken bay dölettiki namratliq mesilisi qaytidin kishilerning diqqet étibarini qozghimaqta. (Weli)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.