كوندىلىزا رايىس ئەنگىلىيە رەھبەرلىرى بىلەن ئىراق ۋە ئوتتۇرا شەرق مەسىللىرىنى مۇزاكىرىلەشتى
2007.01.18
ئامېرىكا تاشقى ئىشلار مىنىستىرى (Condoleezza Rice) كوندىلىزا رايىس، پەيشەنبە كۈنى لوندونغا يېتىپ كېلىپ، ئىراق ۋە ئوتتۇرا شەرقنىڭ تېنچلىق مەسىلىسى ھەققىدە ئەنگىلىيە رەھبەرلىرى بىلەن سۆھبەتتە بولدى.
خەۋەرلەرگە قارىغاندا، كوندىلىزا رايىس ئەنگىلىيە باش مىنىستىرى بېلېيېر قاتارلىق ئەنگىلىيىنىڭ ئالىي دەرىجىلىك رەھبەرلىرى بىلەن سۆھبەتلەشكەندە، ئۇلارغا ئۆزىنىڭ ئوتتۇرا شەرقىتە ئېلىپ بارغان زىيارىتىنىڭ مەزمۇنى ھەمدە پەلەستىن - ئىسرائىلىيە مۇناسىۋىتىنى تېنچلىققا يۈزلەندۈرۈش پىلانى ھەققىدە توختىلىدىكەن.
كوندىلىزا رايىس ئەنگىلىيىگە كېلىشتىن بۇرۇن، گېرمانىيىدە زىيارەتتە بولغان ئىدى، ئۇ گېرمانىيىدە ئوتتۇرا شەرق مەسىلىسى بۇيىچە ئېلىپ بېرىلىدىغان خەلقئارا گۇرۇپپا يىغىنىنىڭ ئىككى ھەپتىدىن كېيىن ۋاشىنگتوندا ئۆتكۈزۈلىدىغانلىقىنى شۇنىڭدەك مەزكۈر يىغىندا قانداق قىلغاندا ئىسرائىلىيە بىلەن پەلەستىن ئوتتۇرىسىدىكى مۇناسىۋەتنى ياخشىلاش مەسىلىسى مۇزاكىرە قىلىنىدىغانلىقىنى بىلدۈردى.
خەلقئارا گۇرۇپپىغا گېرمانىيە، رۇسىيە، ئامېرىكا ، بىرلەشكەن دۆلەتلەر تەشكىلاتى ۋە ياۋرۇپا ئىتتىپاقى قاتارلىقلار ئەزا بولۇپ، ئۇلار ئوتتۇرا شەرقنىڭ تېنچلىقىنى قولغا كەلتۈرۈشتە زور تىرىشچانلىق كۆرسەتمەكتە. (ئەقىدە)
مۇناسىۋەتلىك ماقالىلار
- كوندالىزا رايىس سەئۇدى پادىشاھى بىلەن كۆرۈشتى
- رايىس بېيجىڭدا كىشىلىك ھوقۇق مەسىلىسىنى ئوتتۇرىغا قويدى
- كوندىلىزا رايىس بېيجىڭدا خىتاي رەھبەرلىرى بىلەن شىمالىي كورىيە يادرو مەسىلىسىنى مۇزاكىرە قىلدى
- كوندالىزا رايس شىمالىي كورىيىگە قوللىنىدىغان جازانى ئەمەلىيلەشتۈرۈشنى مەقسەت قىلىدىكەن
- رايىس، پەلەستىنلىكلەرنىڭ دۆلەت قۇرۇشىغا ياردەم بېرىشكە ۋەدە قىلدى