Назәрбайев президент буш билән ақ сарайда сөһбәт өткүзди


2006.09.29
Share on WhatsApp
Share on WhatsApp

Қазақистан президенти назарбайев, оттура асиядики нефит енергийә записиға әң бай дөләтниң рәһбири болуши сүпитидә җүмә күни президент буш билән ақ сарайда учрашти.

Франсийә ахбарат агентлиқиниң әскәртишичә, америка қазақистанда кишилик һоқуқни вә демократик ислаһатни илгири сүрүш билән биргә, америкиниң райондики истратегийилик вә иқтисади мәнпәәтини қоғдаш һәмдә буларни тәңпуңлаштуруш мәсилисигә дуч кәлмәктә.

Назәрбайев америкиниң мәйин штатидики президент бушниң дадиси бушниң күтүвелишиға еришкәндин кейин, пәйшәнбә күни вашингтонға кәлди. У, шу күни муавин президент дик чений билән сөһбәт өткүзгән вә кәчлик зияпәткә қатнашқан. Вашингтондики дипломатлар назәрбайевни илтипат билән күтүвалғанлиқини билдүрмәктә.

Лекин "вашингтон почта гезити" җүмә күни "қудрәтлик адәм билән қучақлишиш " дегән темида баш мақалә елан қилип, назәрбайевниң зиярити бушниң йәр шарини демократийиләштүрүш чақириқиниң қуруқ гәпкә айлинип қеливатқанлиқидин дирәк бериду " дәп язди.

Америка һөкүмити 2005- йили 12 - айда өткүзүлгән қазақистан президент сайлимини "бинормал" дәп атиған вә қазақистан һөкүмитиниң кишилик һоқуқ хатирисини "начар" дәп тәнқидлигән. Шу қетимқи сайламда назәрбайев омуми биләтниң 91 % гә еришкән иди. (Әркин)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.