Nazerbayéw prézidént bush bilen aq sarayda söhbet ötküzdi


2006.09.29
Share on WhatsApp
Share on WhatsApp

Qazaqistan prézidénti nazarbayéw, ottura asiyadiki néfit énérgiye zapisigha eng bay döletning rehbiri bolushi süpitide jüme küni prézidént bush bilen aq sarayda uchrashti.

Fransiye axbarat agéntliqining eskertishiche, amérika qazaqistanda kishilik hoquqni we démokratik islahatni ilgiri sürüsh bilen birge, amérikining rayondiki istratégiyilik we iqtisadi menpe'etini qoghdash hemde bularni tengpunglashturush mesilisige duch kelmekte.

Nazerbayéw amérikining meyin shtatidiki prézidént bushning dadisi bushning kütüwélishigha érishkendin kéyin, peyshenbe küni washin'gton'gha keldi. U, shu küni mu'awin prézidént dik chéniy bilen söhbet ötküzgen we kechlik ziyapetke qatnashqan. Washin'gtondiki diplomatlar nazerbayéwni iltipat bilen kütüwalghanliqini bildürmekte.

Lékin "washin'gton pochta géziti" jüme küni "qudretlik adem bilen quchaqlishish " dégen témida bash maqale élan qilip, nazerbayéwning ziyariti bushning yer sharini démokratiyileshtürüsh chaqiriqining quruq gepke aylinip qéliwatqanliqidin direk béridu " dep yazdi.

Amérika hökümiti 2005- yili 12 - ayda ötküzülgen qazaqistan prézidént saylimini "binormal" dep atighan we qazaqistan hökümitining kishilik hoquq xatirisini "nachar" dep tenqidligen. Shu qétimqi saylamda nazerbayéw omumi biletning 91 % ge érishken idi. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.